Dr.Bassetti me fjalë të mira: Koronavirusi po vdes vetë, mund të ketë pësuar mutacione

Dr.Matteo Bassetti, kreu i klinikës së sëmundjeve infektive në spitalin e San Marinos, tha që virusi duket se po bëhet më pak potent, ndoshta shkaku i mutacioneve gjenetike, raporton Sunday Telegraph, përkthen Periskopi.

“Përshtypja klinike që kam është që virusi po ndryshon sa i përket rëndesës që bart,” tha Bassetti.

“Në muajt mars e prill, modelet që kishim ishin krejt ndryshe. Njerëzit vinin në departamentin e emergjencave me sëmundje shumë zor të kontrollueshme dhe iu duhej oksigjeni e ventilatorët, e disa zhvilluan edhe pneumoni.”

Por ai tha që në muajin e kaluar “tabloja ka ndërruar krejtësisht sa i përket modeleve.”

“Ishte si një tigër agresiv në mars dhe prill, por tash është si një macë e egër,” ka shtuar Bassetti. “Madje edhe pacientët e vjetër, 80 e 90 vjeçar, po shtrihen në shtrat kollaj dhe po marrin frymë pa ndihmën tonë. Të njëjtit pacientë do të kishin vdekur më parë.”

Ai tha që një prej arsyeve pse virusi ishte bërë më i dobët mund të ishte mutacionet që kishte marrë shkaku i masave për distancim social.

“Mendoj që virusi ka pësuar ndryshime shkaku që sistemi ynë imunitar reagon ndaj virusëve dhe ne si njerëz kemi ngarkesë më të vogël virale për shkak të karantinave, vënjes së maskave dhe distancimit social,” – vazhdoi Bassetti.

Është e mundur që virusi të zhduket edhe para se shkencëtarët të zbulojnë vaksinën, përfundoi ai. /Periskopi