8 orë më parëDaçiqi thotë se është “Rrenë e madhe”: Nuk do ta ndalim fushatën kundër Kosovës
Periskopi(6 vite më parë)
(6 vite më parë)Sot, ministri i Punëve të Jashtme të Serbisë, Ivica Daçiq ka mohuar pretendimet e Radios Evropa e Lirë që Serbia do të pezullojë fushatën për tërheqjen e njohjeve të pavarsëisë së Kosovës, duke e quajtur atë si “rrenë të madhe”. “Serbia nuk e ka ndalur fushatën për tërheqjen e njohjeve të pavarësisë së Kosovës,” tha […]
“Serbia nuk e ka ndalur fushatën për tërheqjen e njohjeve të pavarësisë së Kosovës,” tha Daçiq, për të mohuar pretendimet e REL-it, që bazoheshin në burime nga Brukseli.
Pas bisedimeve me presidentin e Serbisë Vuçiq, Ivica Daçiqi tha se kjo ishte një “rrenë e madhe”.
“Serbia publikisht ka thënë për vite me radhë se do ta ndalë fushatën për tërheqjen e njohjeve vetëm nëse të gjithë ndalin fushatën për njohjen e Kosovës, dhe bashkimin e saj në organizata ndërkombëtare. Meqë kështu nuk po ndodh, Serbia nuk do ta ndalë këtë fushatë. Kur të ndalen ata, do të ndalemi edhe ne,” tha Daçiq në një deklaratë për Tanjug, përcjell Periskopi.
Sipas Radio Evropa e Lirë, diplomatët nga Brukseli kishin vlerësuar se të dyja palët duhej të kontribuonin për një atmosferë konstruktive, që do ta mundësonte rinisjen e dialogut.
Këta diplomatë thanë se Serbia do ta ndalte fushatën e çnjohjeve, ndërsa prisnin që qeveria e re e Kosovës t’i merrte të gjitha masat për krijimin e një atmosfere pozitive prë dialogun që pritet të nis së shpejti në Bruksel. /Periskopi
