8 orë më parëBilanci i koronavirusit në Kosovë: 1,047 të shëruar por 1,086 raste aktive
Periskopi(6 vite më parë)
(6 vite më parë)Numri i lartë i rasteve pozitive me COVID-19 në vendin tonë ka vazhduar edhe gjatë 24 orëshit të fundit. IKSHPK njoftoi për 96 raste të reja, duke e çuar numrin total të të prekurve me virusin SARS-COV-2 në 2,169. Prej tyre, të shëruar tashmë janë 1,047 pacientë, ndërsa raste aktive janë 1,086. Fatkeqësisht betejën me […]
Numri i lartë i rasteve pozitive me COVID-19 në vendin tonë ka vazhduar edhe gjatë 24 orëshit të fundit. IKSHPK njoftoi për 96 raste të reja, duke e çuar numrin total të të prekurve me virusin SARS-COV-2 në 2,169.
Prej tyre, të shëruar tashmë janë 1,047 pacientë, ndërsa raste aktive janë 1,086.
Fatkeqësisht betejën me sëmundjen COVID-19 e kanë humbur 36 persona të cilët kanë pasur edhe sëmundje të tjera shoqëruese.
Përveç numrit në rritje të rasteve të reja, edhe Klinika Infektive po shtohet me pacientë. Sipas raportimit të së dielës, në këtë klinikë janë të hospitalizuar 83 pacientë, prej tyre 42 janë me oksigjeno-terapi, ndërsa katër të tjerë në gjendje të rëndë.
Ndryshe, nga data 08 shkurt deri më 21 qershor 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 21.517 persona të dyshimtë në virusin SARS-CoV-2.
