2 orë më parëBBC: Cili është numri i vërtetë i njerëzve të vdekur nga koronavirusi?
Periskopi(6 vite më parë)
(6 vite më parë)Të paktën edhe 130 mijë njerëz në mbarë botën kanë vdekur gjatë pandemisë së koronavirusit përveç 400 mijë vdekjeve zyrtare si pasojë e virusit – zbulon një hulumtim nga BBC. Një shqyrim i vdekshmërisë preliminare nga 27 vende tregon që në shumë vende numri i vdekjeve të përgjithshme ka qenë më i lartë se sa […]
Një shqyrim i vdekshmërisë preliminare nga 27 vende tregon që në shumë vende numri i vdekjeve të përgjithshme ka qenë më i lartë se sa normalja, edhe kur llogariteshin për virus.
Të ashtuquajturat “vdekje të tepërta”, numri i vdekjeve mbi mesataren, sugjeron që impakti njerëzor i pandemisë tejkalon shifrat zyrtare të raportuara nga qeveritë në mbarë botën.
Disa nuk do të regjistrohen si viktima të Covid-19, por të tjerët mund të jenë rezultat i mbingarkimit të sistemeve shëndetësore dhe të shumë faktorëve tjerë, shkruan BBC, përkthen Periskopi.
Krahasimi direkt i shkallës së vdekjeve mes vendeve të ndryshme është i vështirë. Saktësia e të dhënave të koronavirusit varet në atë se sa njerëz janë testuar për virus dhe nëse qeveritë përfshijnë vdekjet jashtë spitaleve në llogaritë e tyre.
Derisa virusi u shpërnda nëpër botë, vendet kanë arritur faza të ndryshme të përhapjeve në kohë të ndryshme. Në disa vende, mund të rritet në javët apo muajt e ardhshëm, veçanërisht pasi shifrat të rishikohen, ndërsa në të tjera numri i vdekjeve ka filluar të rikthehet në nivele normale.
Analizimi i vdekjeve nga të gjithë shkaktarët e vdekjeve dhe krahasimi i tyre me vdekjet gjatë periudhës së njëjtë nga vitet e kaluara mund të fillojë të ofrojë më shumë saktësi.
Në tekstin origjinal mund t’i shihni edhe grafikonet e këtij hulumtimi./Periskopi
