Avdullah Hoti: Asociacioni do të themelohet në përputhje me Kushtetutën

Kryeministri i Kosovës, Avdullah Hoti, në diskutimin e tij për platformën e Qeverisë për dialogun më Serbinë, ka thënë që për çështjen e asociacionit të komunave serbe ka pasë sipas tij, keqinformim.

“Marrëveshja për asociacion, nuk është shpallur jokushtetteuse. Gjykata ka dhënë vërejtje në nenet e caktuara, që Qeveria duhet t’i ketë parasysh”.

Hoti ka thënë që beson që Qeveria e atëhershme, kur e ka nënshkruar këtë marrëveshje ka qenë e kujdesshme.

“Në parimin  ‘karakteri unitar i shtetit të Kosovës’, i referohet edhe kësaj çështje. Asociacioni do të themelohet në përputhje me kushtetutën, për këtë do të jemi maksimalisht të kujdesshëm”, është shprehur Hoti.