5 orë më parëArbër Zaimi pretendon që VV-ja nuk e ka larguar asnjë anëtar nga partia
Periskopi(6 vite më parë)
(6 vite më parë)Arbër Zaimi i Vetëvendosjes pretendon që kjo parti politike asnjëherë nuk e ka larguar asnjë anëtar të saj gjatë kohës sa ekzistojnë si parti parlamentare. Megjithatë, si metodë largimi ai ka konsideruar thjesht vendimin e partisë për largim – jo edhe margjinalizimin e anëtarëve. Dje Vjosa Osmani u shkarkua nga pozita e nënkryetares dhe e […]
Dje Vjosa Osmani u shkarkua nga pozita e nënkryetares dhe e anëtares së kryesisë së LDK-së. Megjithatë, ajo mbetet anëtare e thjeshtë e partisë.
Megjithatë, këtë moment të vështirë politik për LDK-në po e shfrytëzon Lëvizja Vetëvendosje. Arbër Zaimi nga kjo parti ka deklaruar se “Vetëvendosje kurrë askujt nuk i ka thënë ik”, përcjell Periskopi.
Në fakt, nga Vetëvendosje janë larguar shumë personalitete të ndryshme të cilat nuk ishin pajtuar me rrjedhën që po merrte kjo parti politike.
Mes tyre përmendim emrat e Shpend Ahmetit, Dardan Molliqajt, Ilir Dedës, Visar Ymerit, Dukagjin Goranit, Aida Dërgutit e shumë të tjerë.
Madje, fyerjet mes anëtarëve të larguar dhe anëtarëve prezent në Vetëvendosje kishin qenë tepër të ashpra gjatë viteve.
Statusi i plotë i Zaimit:
Në LV kurrë askujt nuk i kemi thënë ik. Pavarësisht pikëpamjeve. Madje edhe kur ka pasur fyerje. Edhe ata që kanë vendosur të ikin, para se ta bëjnë fakt të kryer, janë lutur të qëndrojnë. Kështu u arrit mbështetja e sotme mbi 50%.
