5 orë më parëArabia Saudite tradhton aleatët: Separatistët jemenas marrin kontrollin me puç në ishin e Socotras
Periskopi(6 vite më parë)
(6 vite më parë)Separatistët jemenas kanë marrë kontrollin e ishullit të Sokotras në Detin Arab, duke e hequr nga pushteti guvernatorin dhe duke i larguar forcat qeveritare të mbështetura nga sauditët. Këshilli Tranzicional Jugor (STC) shpallu vetë-qeverisjen në jugun e vendit në muajin prill, duke komplikuar përpjekjet e OKB-së për të arritur armëpushim të përhershëm në një luftë […]
Këshilli Tranzicional Jugor (STC) shpallu vetë-qeverisjen në jugun e vendit në muajin prill, duke komplikuar përpjekjet e OKB-së për të arritur armëpushim të përhershëm në një luftë që ka bërë separatistët dhe forcat qeveritare si aleatë nominalë në koalicionin saudit kundër rebelëve Houthi që kontrollojnë veriun e vendit.
Të shtunën, STC-ja njoftoi se kishte marrë nën kontroll bazat ushtarake dhe ndërtesat qeveritare në ishullin kryesor të Socotras, një arkipelag me pak popullatë, shkruan The Guardian, përkthen Periskopi.
Qeveria, që udhëhiqet nga presidenti Abd Rabbu Mansour Hadi, e dënoi veprimin si “puç” dhe akuzoi forcat e STC-së se kishin sulmuar ndërtesat qeveritare me sjellje prej gansterësh.
Guvernatori i Socotras, Ramzi Mahroos, akuzoi liderët e koalicionit, Arabinë Saudite dhe Emiratet e Bashkuara Arabe se ia kishin kthyer shpinën.
Zëdhënësi i koalicionit saudit dhe ministria e punëve të jashtme të Emirateve të Bashkuara Arabe nuk kthyen përgjigjjet në pyetjet e gazetarëve.
