Analist Abdullahu: Qeveria Hoti më e mirë se Qeveria Kurti, por prapë s’do të jetë e mirë

Ai beson se Qeveria Hoti mund të jetë më e mirë se ajo e Albin Kurtit, por që megjithatë nuk do të jetë e mirë. Kjo nënkupton se Abdullahu e cilëson si tepër të keqe Qeverinë që udhëhiqej nga kreu i partisë Vetëvendosje.

Analisti ka thënë se ndër të mirat e kësaj qeveria do të jenë gjasat që ka Qeveria Hoti që të mos jetë aq e përçarë sa ka qenë Qeveria Kurti. Duhet të kujtojmë se kjo qeveri përbëhet nga LDK, AAK dhe Nisma. Po ashtu, ai ka thënë se kjo qeveri mund të menaxhojë pandeminë më mirë se Qeveria Kurti. Dhe se nuk do të vazhdojë t’i ftohë raportet tona me Washingtonin, përcjell Periskopi.

Z.Avdullahu ka numëruar edhe anët negative, duke thënë se nuk do të ketë shumicën shqiptare; se duhet ta ketë ndihmën e madhe të ShBA-ve; dhe se është Qeveri minore “gjë që do të jetë shumë e vështirë për të çuar përpara shumë procese.

Statusi i plotë:

Qeveria Hoti mund të jetë më e mirë se ajo Kurti, por do të jetë larg nga e mira. A kam të drejtë të konstatoj kështu apo duhet pritur 100 ditëshin tradicional. Megjithëkëtë ka fakte për të dëshmuar disa gjëra qysh tani. NEGATIVE • Qeveria Hoti nuk përbëhet nga shumica shqiptare. Kjo shumicë mbetet jashtë kesaj Qeverie. • Qeveria Hoti që të mos jetë Qeveri koti duhet të ketë ndihmë të madhe nga SHBA-t, BE-ja por edhe një pjesë e madhe e opozitës. • Lista Serbe do të ketë ndikim krucial dhe në rast dialogut me Serbinë kjo bëhet shumë e dëmshme. • Është Qeveri minore (mezi 61 vota) gjë që do të jetë shumë e vështirë për të quar përpara shumë procese. POZITIVE • Gjasat janë që Qeveria Hoti të mos jetë e përçarë aq sa ka qenë Qeveria Kurti. • Ta menaxhojë situatën e pandemisë më mirë se Qeveria Kurti për aq sa nuk do të jenë të përçarë dhe jo kooperues. • Të mos vazhdojnë t’i ftohin raportet tona me SHBA-t, por ta rikthejnë çështjen e Kosovës në agjendën e Uashingtonit zyrtar