5 orë më parëVV publikon fotot e partisë për ta arsyetuar protestën që shkeli rregullat e distancës: Këto janë provat e fundit
Periskopi(6 vite më parë)
(6 vite më parë)Lëvizja Vetëvendosje ka publikuar sot disa fotografi të test-protestës që është zhvilluar sot para ndërtesës së Qeverisë së Kosovës. Sipas këtij subjekti politik, në këtë protestë ishin mbi pesë mijë pjesëmarrës. VV përmes kësaj komunikate ka paraqitur protestën sikurse të bazuar në rregullat e parapara, megjithatë është parë qartë se nuk e kanë mbajtur distancën […]
VV përmes kësaj komunikate ka paraqitur protestën sikurse të bazuar në rregullat e parapara, megjithatë është parë qartë se nuk e kanë mbajtur distancën e paraparë.
Këtë gjë e dëshmojnë fotografitë më poshtë:
Më poshtë mund ta lexoni shkrimin e plotë të VV-së:
Sot mbi 5 mijë pjesëmarrës, një pjesë e vogël e qytetarëve që mbështesin ndryshimin, treguan se protesta është e mundshme të organizohet edhe në këtë kohë, duke respektuar masat e rekomanduara nga Institucionet e Shëndetësisë dhe në bashkëpunim me Policinë e Kosovës. Pjesëmarrja masive, e organizuar në formën e një performance, dëshmoi edhe njëherë se vullneti i shumicës së qytetarëve është që kriza politike të zgjidhet pa e shkelur kushtetutën, dhe e vetmja mënyrë për këtë është që të organizohen zgjedhjet sa më parë.
Asnjë zhvillim politik nuk mund të jetë i shëndetshëm nëse shmang mundësinë e protestës qytetare. Në vendin tonë, edhe pse shumë ish-pushtetarë nga e kaluara do ta dëshironin mungesën e saj, prova e sotshme na dha edhe përvojën edhe dijen se mund të organizohemi në numër edhe më të madh nëse është nevoja, gjithmonë duke respektuar masat e Institucioneve të Shëndetësisë.
Nuk na mungon vullneti për ta mbrojtur rendin demokratik. Nuk na mungon vendosmëria për të refuzuar nënshtrimin ndaj regjimit të vjetër. Janë këto provat e fundit për llojin e rendit dhe shoqërisë që e aspirojmë. Duam zgjedhje sa më parë!
