4 orë më parëVizita e Kurtit te Shpend Ahmeti: Deputeti i VV-së ia përmend kryetarit të Prishtinës shkarkimin e Arben Vitisë
Periskopi(6 vite më parë)
(6 vite më parë)Kryeministri në Detyrë, Albin Kurti, ka vizituar sot kreun e Komunës së Prishtinës, Shpend Ahmetin pas dy muaj e gjysmë që kur nisën masat kundër përhapjes së Covid-19. Ishte data 13 mars kur u regjistruan rastet e para me Covid-19, por megjithëse në ditët dhe javët në vijim Kurti do të vizitonte shumicën e komunave […]
Ishte data 13 mars kur u regjistruan rastet e para me Covid-19, por megjithëse në ditët dhe javët në vijim Kurti do të vizitonte shumicën e komunave të vendit, ai nuk do ta bënte një vizitë edhe në komunën e Prishtinës që udhëhiqet nga ish kryetari i PSD-së, Shpend Ahmeti.
Në fakt, Ahmeti kishte pasur një thirrje telefonike me Kurtin për të biseduar mbi situatën mbi pandemisë por asgjë më shumë, shkruan Periskopi.
Në disa emisione të ndryshme, edhe vetë Shpend Ahmeti kishte shprehur çudinë se si kryeministri kishte vizituar komuna shumë më të vogla por jo edhe Prishtinës.
Besohet që shkaku i kësaj mungese të vizitës normale që duhej të ndodhte nga kreu i Ekzekutivit ishte armiqësia e tij politike dhe inati për largimin e Ahmetit nga Lëvizja Vetëvendosje në fillim të vitit 2018.
Sidoqoftë, vizita e sotme është komentuar me tone pozitive nga aktivistë e madje edhe deputetë të Lëvizjes Vetëvendosje.
“Qeverisje pa inate, në shërbim të qytetarëve” – ka shkruar deputeti Eman Rrahmani nga kjo parti pasi sulmoi paraprakisht Shpend Ahmetin që e kishte “tradhtuar Albinin” dhe “shkarkuar Arben Vitinë” që shërben si ministër i Shëndetësisë në detyrë aktualisht.
