2 orë më parëVeteranët e UÇK-së rregullojnë obeliskun e dëmtuar në Prizren dhe vendosin flamur të ri amerikan
Periskopi(6 vite më parë)
(6 vite më parë)Para dy ditësh u bë e ditur se obelisku kushtuar dy ushtarëve amerikanë që kishin rënë në luftë ishte dëmtuar, e po ashtu edhe flamuri amerikan ishte grisur. Dhe, tashmë ky obelisk është rregulluar jo nga pushteti lokal i atjeshëm që udhëhiqet nga Mytaher Haskuka por nga një grup veteranësh të këtij qyteti. Nuk dihet […]
Dhe, tashmë ky obelisk është rregulluar jo nga pushteti lokal i atjeshëm që udhëhiqet nga Mytaher Haskuka por nga një grup veteranësh të këtij qyteti.
Nuk dihet nëse dëmtimet kanë ndodhur vetvetiu, ashtu si grisja e flamurit amerikan apo kjo është bërë nga ndonjë person, përcjell Periskopi.
Sidoqoftë, përveç rregullimit të obeliskut, veteranët e kanë vendosur tashmë edhe një flamur të ri amerikan.
“Ne premtuam se do ta rregullojmë këtë memorial të dëmtuar dhe sot e realizuam këtë zotim”, ka thënë Hysni Rexhaj, veteran dhe invalid i luftës që doli për të bërë këtë vepër të mirë me një grup shokësh.
Ushtarët e ndjerë amerikanë, David Gibbs dhe Kevin Reichert, kishin humbur jetën në maj të vitit 1999, pas rrëzimit të helikopterit “Apache” gjatë një fluturimi rutinor në afërsi të kufirit Shqipëri-Kosovë.
Obelisku në Prizren në nderim të tyre ishte përuruar me 26 maj të vitit 2014, me rastin e shënimit të Ditës së Përkujtimit të ushtarëve amerikanë që kanë rënë gjatë shërbimit në forcat e armatosura.
