4 orë më parëSyla: Tentimi i kontrollimit të shtetit në këto forma e shkatërron demokracinë në vend
Periskopi(6 vite më parë)
(6 vite më parë)Deklarata e presidentit Hashim Thaçi se kryeministri në detyrë Albin Kurti, ud i ministrit të Punëve të Brendshme Xhelal Sveçla dhe zv/kryeministri në detyrë Haki Abazi kanë qëndruar për tri ditë në dhomën e përgjimeve në PTK, pa vendim të prokurorit, ka ngjallur reagime të shumta. Deputeti nga radhët e Aleancës për Ardhmërinë e Kosovës, […]
Deklarata e presidentit Hashim Thaçi se kryeministri në detyrë Albin Kurti, ud i ministrit të Punëve të Brendshme Xhelal Sveçla dhe zv/kryeministri në detyrë Haki Abazi kanë qëndruar për tri ditë në dhomën e përgjimeve në PTK, pa vendim të prokurorit, ka ngjallur reagime të shumta.
Deputeti nga radhët e Aleancës për Ardhmërinë e Kosovës, Gazmend Syla, në një prononcim për Periskopin ka thënë se për këtë çështje duhet të reagojnë organet e drejtësisë.
Ndërsa thekson se tentimi për ta kontrolluar shtetin në këtë formë, është shkatërrim i dekomkracisë.
‘’Nuk e di sa janë të vërteta ato çka i ka thënë presidenti por në qoftë se janë, organet kompetente duhet të thërrasin në përgjegjësi Kurtin, Sveçlen edhe Hakiun. Tentimi i kontrollimit te shtetit në këto forma e shkatërron demokracinë në vend’’, tha Syla.
Edhe ish-kryeshefi i PTK-së, Bedri Istrefi ka konfirmuar deklaratën e Thaçit duke thënë se të tre kanë hyrë në dhomën e përgjimeve pa pëlqim të prokurorit kështu duke cënuar privatësinë e qytetarëve të Republikës së Kosovës.
Ndërsa, Kurti, i ka quajtur genjeshtra akuzat e Presidentit dhe tha se kryeprokurori duhet ta intervistojë Thaçin lidhje me këtë çështje./PERISKOPI/
