Skandaloze: Ministra e Drejtësisë propozon konfiskimin e pasurisë së paligjshme pa aktgjykim dënues

Një opsion skandaloz me një pikëpamje apo qëndrim diktatorial sikurse në vitet e mëhershme për konfiskimin e pasurisë së paligjshme është dhënë nga Ministria e Drejtësisë, dikaster ky i udhëhequr nga Albulena Haxhiu, shkruan Gazeta Metro.

Një koncept-dokument i paraqitur nga Ministria e Drejtësisë, një nga opsionet për konfiskimin e pasurisë është tejet i çuditshëm duke parë që Kosova vepron si një vend demokratik dhe respekton të drejtat dhe lirinë e qytetarëve.

Shkelje e të drejtave të njeriut, e drejta në pronë dhe barazia para ligjit do llogaritej konfiskimi i pasurisë pa një vendim apo aktgjykim dënues të Gjykatës.

Prej tri opsioneve të dhëna në koncept-dokumentin për çështjen e pasurisë së fituar në mënyrë tё pajustifikueshme, Ministria e Drejtësisë (MD) e ka favorizuar opsionin e tretë – hartimin e një ligji të ri, i cili do të mundësonte konfiskimin saj pa një aktgjykim dënues.

“Sikurse të adoptohet opsioni i tretë dhe të procedohet me miratimin e një ligji të ri i cili mundëson konfiskimin e pasurisë së fituar në mënyrë të pajustifikueshme në mungesë të një aktgjykimi dënues, Kosova nuk do të jetë shteti i parë as në rajon e lëre më në Evropë që ndërmerr një veprim të tillë”, thuhet në koncept-dokument.

Nuk dihet akoma se a do të përkrahet ky opsion i çuditshëm i propozuar nga ministria e Drejtësisë, por një vendim i tillë për konfiskimin e pasurisë të paligjshme pa aktgjykim dënues do të ngjallte probleme të mëdha.

Kujtojmë se ministrja Haxhiu ka paralajmëruar edhe veting në sistemin e drejtësisë, mirëpo kjo akoma nuk ka ndodhur