5 orë më parëKëshilltari Kurtit tregon pse Thaçi nuk bisedon me Lajçakun
Periskopi(6 vite më parë)
(6 vite më parë)Këshilltari politik i kryeministrit në largim Kurti, Elvis Hoxha, ka bërë një status në profilin e tij në Facebook duke shpërndarë pretendime të pakonfirmuara në lidhje me çështjen e fundit që ka të bëj me ndërmjetësuesin e BE-së për dialogun Kosovë-Serbi, Mirosllav Lajçak. Hoxha ka deklaruar se Thaçi nuk e pranon Lajçakun si ndërmjetësues të […]
Hoxha ka deklaruar se Thaçi nuk e pranon Lajçakun si ndërmjetësues të negociatave jo për shkak të pozicionit të shtetit të tij që nuk njeh Pavarësinë e Kosovës por për shkak se ky i fundit është kundër idesë së shkëmbimit të territoreve.
Sipas Hoxhës, ish Përfaqësuesja e Lartë për Politikë të Jashtme e BE-së, Federica Mogherini ishte për “shkëmbim territoresh”, përcjell Periskopi.
Ai ka shfrytëzuar këtë status për të sulmuar edhe Isa Mustafën dhe Avdullah Hotin, duke thënë se “këta janë personat që nënshkruajnë lehtë çdo marrëveshje në dëm të sovranitetit territoriale të Kosovës.”
Kujtojmë që Vetëvendosje së fundi ka konfirmuar se do të mbajë një performancë si parapërgatitje për protestë ndaj vendimit të mundshëm të Gjykatës Kushtetuese që e bën të nominuar për kryeministër profesorin Avdullah Hoti.
Statusi i plotë:
Presidenti nuk bisedon me Lajçakun, jo sepse ky është prej një vendi që nuk e ka njohur Kosovën, por sepse ky është shprehur kundër shkëmbimit të territoreve. Presidentit i nevojitej Mogherini, sepse, edhe pse shteti i saj e kishte njohur Kosovën, ajo ishte për shkëmbim territoresh.
Presidentit i bën punë Isa Mustafa, ose Avdullai, sepse këta janë personat që nënshkruajnë lehtë çdo marrëveshje në dëm të sovranitetit territorial të Kosovës.
