5 orë më parëDeputeti Basha nga Vetëvendosje thotë se Thaçi e Haradinaj ishin të koordinuar në sulmet ndaj VV-së
Periskopi(6 vite më parë)
(6 vite më parë)Deputeti i Lëvizjes Vetëvendosje, Dimal Basha, ka pretenduar se sulmet e djeshme ndaj partisë së tij nga presidenti Thaçi dhe kryetari i AAK-së Haradinaj, ishin të koordinuara. Ai e ka mbështetur një gjë të tillë në intervistat e tyre të mbrëmshme. Thaçi mbrëmë ishte në emisionin Debat Plus në RTV Dukagjini ndërkohë që Haradinaj ishte […]
Thaçi mbrëmë ishte në emisionin Debat Plus në RTV Dukagjini ndërkohë që Haradinaj ishte në një emision të Klan Kosovës.
Presidenti bëri një varg akuzash ndaj krerëve të Vetëvendosjes, por më i rëndi ishte ai i futjes ilegale në dhomën e përgjimeve në PTK. Kurti së fundi e mohoi një gjë të tillë.
Deputeti Basha ndërkohë beson që Thaçi me Haradinajn ishin të koordinuar, megjithëse nuk ofron ndonjë provë.
Më tej, ai është fryer duke thënë se asnjëri nuk mund ta akuzonte për “hajni” qeverinë e re, edhe pse në fakt së fundi Vetëvendosje pranoi që Komisioni për Shëndetësi t’i dërgonte në prokurori dyshimet për keqpërdorime në Ministrinë e Shëndetësisë.
Kujtojmë që pas intervistave të mbrëmshme, aktivistët e zyrtarët e lartë të Vetëvendosjes janë shprehur me gjuhë të urrejtjes ndaj presidentit, kryetarit të AAK-së por edhe kundërshtarëve tjerë politikë.
Statusi i plotë:
Ishin koordinu Thaçi me Ramushin pram. Njëri në Dukagjin duke akuzu për kundërligjshmëri, tjetri në Klan për tradhëti.
Mirëpo a e vërejtët që asnjërin se dëgjuam për hajni, pra standard i ri në politikën e Kosovës, që edhe hasmit s’po kanë ku me ia ngjit ?
Kurse për tradhëti e ligjshmëri populli ju njeh mirë, ju ka provu 20 vite rresht. S’ka më me vjedh edhe me rreh gjyks për patriot. Finito!
