6 orë më parëÇka po ndodh në Amerikë: Trazirat nuk po ndalen pas vrasjes së George Floydit
Periskopi(6 vite më parë)
(6 vite më parë)Një stacioni policor në Minneapolis i është vënë flaka gjatë natës së tretë të protestave mbi vdekjen e një burri me ngjyrë që ishte arrestuar të hënën. Një zyrtar policor ishte filmuar derisa i kishte vënë gjurin në qafë George Floyd, 46 vjeçar, pavarësisht se ai i thoshte se nuk po mund të merrte frymë. […]
Një zyrtar policor ishte filmuar derisa i kishte vënë gjurin në qafë George Floyd, 46 vjeçar, pavarësisht se ai i thoshte se nuk po mund të merrte frymë.
Presidenti Donald Trump tha se “banditët” po e çnderonin kujtimin e tij dhe i bëri thirrje Gardës Kombëtare që të vendoste rendin në atë vend, shkruan BBC, përkthen Periskopi.
Incidenti ka rritur zemërimin ndaj vrasjeve të policisë ndaj amerikanëve me ngjyrë, përfshirë Breonna Taylorin në Kentucky.
Familja e z.Floyd ka bërë thirrje që të katër policët e implikuar në vdekjen e tij të përballen me akuzën për vrasje. Prokurorët ndërkohë kanë thënë se janë duke mbledhur prova mbi rastin.
Një gazetar i CNN-it, Omar Jimenez, me ekipin e kameramanëve janë arrestuar derisa po e mbulonin ‘live’ ngjarjen nga zyrtarët policorë në shtetin e Minnesotas sot në mëngjes, mesa duket për shkak se nuk kishin lëvizur ashtu siç iu kishin dhënë instruksionet.
Ekipi i gazetarëve ishte liruar me procedurë të rregullt një orë më vonë, pasi guvernatori kishte kërkuar falje për arrestimin.
Në ditët e kaluara, ndërtesat janë djegur ose rrënuar në trazirat në Minneapolis. Policët kishin hedhur gaz lotsjellës dhe plumba gome në përpjekjen për të shpërndarë turmën. Por, kordoni përreth stacionit policor, afër vendit ku vdiq z.Floyd, u thye nga protestuesit që më pas i vunë zjarrin edhe ndërtesve të tjera në afërsi. /Periskopi
