3 orë më parëAnalisti thotë se Kosova duhet t’i kërkojë BE-së angazhim për nohje prej 5 shteteve që nuk na njohin
Periskopi(6 vite më parë)
(6 vite më parë)Analisti i njohur kosovar Agon Maliqi me anë të një statusi në Facebook ka komentuar kërkesën e dy ministrave të punëve të Jashtme nga Franca dhe Gjermania që Kosova të riniste dialogun me Serbinë. Maliqi konsideron që Kosova nuk duhej as ta merrte seriozisht kërkesën e kryeqyteteve evropiane (sic) në lidhje me dialogun nëse paraprakisht […]
Maliqi konsideron që Kosova nuk duhej as ta merrte seriozisht kërkesën e kryeqyteteve evropiane (sic) në lidhje me dialogun nëse paraprakisht nuk i parashtron një kusht mjaft domethënës.
Ky kusht sipas Maliqit duhet të jetë angazhimi i Gjermanisë dhe Francës që të bindin pesë shtetet që nuk e kanë njohur Kosovën që ta bëjnë një gjë të tillë, përcjell Periskopi.
“Kështu Kosova do të mund të futej shpejt në proces për të hyrë në NATO dhe nuk do të kishte trajtim asimetrik prej BE-së në raport me Serbinë.” – arsyeton qëndrimin e tij z.Maliqi.
Kujtojmë se presidenti Thaçi ka refuzuar rinisjen e dialogut të udhëhequr nga BE-ja duke kontestuar madje edhe ndërmjetësin Mirosllav Lajçak por edhe Përfaqësuesin e Lartë për Politikë të Jashtme, Josep Borrell me arsyen që të dytë vijnë nga shtete (Sllovakia dhe Spanja) që nuk e kanë njohur Pavarësinë e Kosovës.
Statusi i plotë:
Kosova duhet t’ia parashtrojë Gjermanisë dhe Francës një kusht për vazhdimin e dialogut nën ombrellën e BE-së: angazhimin e tyre për njohjen e Kosovës prej 5 shteteve evropiane që nuk na njohin. Kështu Kosova do të mund të futej shpejt në proces për të hyrë në NATO dhe nuk do të kishte trajtim asimetrik prej BE-së në raport me Serbinë. Nga kjo pozitë nuk do të kishte kurrëfarë nevojë për të nxituar me marrëveshje dhe as për të bërë kompromise paralizuese. Pa këtë hap, çdo kërkesë që vjen prej kryeqyteteve evropiane në lidhje me dialogun nuk mund të merret shumë seriozisht.
