Nga lakuriqët, nga pangolinët, apo nga njerëzit? Këto janë teoritë e origjinës së koronavirusit

Për mendjen publike, rrëfimi për origjinën e koronavirusit duket i kryer: në fund të 2019-s, dikush në tashmë të famshmin pazar ushqimesh të detit në Huanan të Wuhanit u infektua me virusin nga një kafshë.

Gjithçka tjetër që ndodhi e po ndosh është pjesë e historisë, me Covid-19shin që u shpërnda nga një grumbull njerëzit në provincën Hubei të Kinës e për t’u bërë pandemi që u shpërnda në mbarë botën dhe ka vrarë 80 mijë njerëz deri tash.

Pamjet e tufave të pangolinëve  – një gjitar me luspa – kanë dalë nëpër buletine lajmesh, që tregojnë se kjo kafshë ishte ajo ku depërtoi virusi para se të kërcente edhe te kafshët.

Por ka pasiguri në lidhje me disa aspekte të rrëfimit për origjinën e Covid-19shit që shkencëtarët po përpiqen që ta zbulojnë, përfshirë edhe se cila specie e përcolli atë te njerëzit. Ata po i japin zor sepse e dinë që për ta ndalur pandeminë e radhës duhet ta kuptosh origjinën e kësaj.

Profesori Stephen Turner nga Universiteti i Australisë, tha se më e mundshmja ishte që virusi ta kishte origjinën te lakuriqtë.

Por, këtu mbaron siguria e tij, përcjell Periskopi nga The Guardian.

Mbi hipotezën se virusi doli nga pazari i kafshëve të gjalla në Wuhan nga një ndërveprim mes kafshës dhe njeriut, Turner thotë se “nuk besoj që kjo të jetë fjala përfundimtare.”

“Pjesë e problemit është që informacioni është po aq i mirë sa mbikëqyrja,” – tha ai, duke shtuar se virusët e këtij lloji po qarkullonin në çdo kohë nga mbretëria e kafshëve.

Fakti që virsui infektoi një tigër në një kopsht zoologjik në New York tregon se si viruset mund të lëvizin mes specieve të ndryshme.

Shkencëtarët thonë se është shumë e mundshme që virusi erdhi nga lakuriqtë erdhën nga lakuriqtë por së pari kaluan përmes një kafshe ndërmjetësore në të njëjtën formë si ai i Sars-it.

Një kafshë e implikuar si një kafshë e mundshme ndërmjetësore mes kafshëve dhe njerëzve është pangolini.

Kjo kafshë po shitej në mënyrë ilegale në mbarë botën.

Sidoqoftë, një tjetër studim pretendonte se kishte hedhur poshtë pangolinët si ndërmjetësorë, sepse në mostra të virusëve të ngjashme të marra nga pangolinët mungonte një zinxhir amino acidesh të parë te virusi që tash po qarkullon mes njerëzve.

Por, një tjetër teori përjashton krejtësisht kafshët dhe thotë se koronavirusi në fakt së pari ishte te njerëzit.

Analizat nga 41 pacientët e parë me Covid-19 treguan se 27 prej tyre kishin qenë të ekspozuar në mënyrë direkte ndaj pazarit në Wuhan. Por të njëjtat analiza gjetën se rasti i parë i njohur i sëmundjes në fakt nuk kishte pasur atë ekspozim.

Kjo mund të jetë një arsye tjetër për të hedhur dyshim mbi rrëfimin e pranuar të kafshëve. /Periskopi