7 orë më parëSurroi e di ku janë ‘llajk’-at, sulmon LDK-në edhe pas shkeljes së Marrëveshjes nga VV
Periskopi(6 vite më parë)
(6 vite më parë)Publicisti kontravers kosovar, Veton Surroi, ka bërë një status në profilin e tij në Facebook duke i bërë thirrje Qeverisë që ta vazhdojë punën – dhe duke prezantuar të pavërteta që po vazhdojnë të helmojnë sferën publike. Ai ka thënë me të drejtë që prioritare do të duhej të ishte në këtë lufta kundër krizës […]
Ai ka thënë me të drejtë që prioritare do të duhej të ishte në këtë lufta kundër krizës së Koronavirusit, dhe jo rrëzimi i qeverisë – por fajtore për një eventualitet të tillë e bën Lidhjen Demokratike të Kosovës (LDK) së cilës iu dhunua Marrëveshja për Bashkëqeverisje nga kryeministri Kurti.
Me një arsyetim qesharak, Kurti e shkarkoi nga pozita e ministrit Agim Veliun, shkruan Periskopi.
“Shprehja e mosbesimit ndaj Qevrisë për interesa të veçanta politike (pozita e një ministri, divergjenca rreth tregtisë së lirë me Serbinë, dallime rreth marrëveshjes Thaçi-Vuçiq, Gjykatës Speciale) është akt i rëndësishëm politik, por është akt dytësor karshi obligimit për luftimin e Covid-19.” – shkruan Surroi.
Ai harron se ishte pikërisht Kurti ai që provokoi një rrjedhë të tillë ngjarjesh me shkarkimin e djeshëm, ndërkohë që para disa ditësh i kishte lënë fajin LDK-së për mos-heqjen graduale të taksës duke mashtruar haptas opinionin.
Më poshtë e keni statusin e plotë të tij:
QEVERIA TA VAZHDOJË PUNËN
- Interesi publik të cilit sot i nënshtrohet çdo interes tjetër i veçantë (politik, a tjetër) është lufta kundër krizës më të madhe që ka njohur njerëzimi në shekullin XXI. Këtë interes publik po e mbrojnë me sukses në kushte shumë më të vështira se vendet tjera evropiane institucionet e Republikës së Kosovës, të prira nga Qeveria e saj.
- Shprehja e mosbesimit ndaj Qeverisë për interesa të veçanta politike (pozita e një ministri, divergjenca rreth tregtisë së lirë me Serbinë, dallime rreth marrëveshjes Thaçi-Vuçiq ,Gjykatës speciale) është akt i rëndësishëm politik, por është akt dytësor karshi obligimit për luftimin e COVID19.
- Edhe në rast të votimit të mosbesimit Qeveria e kryesuar nga A.Kurti ka për obligim të vazhdojë punën për mbrojtjen e Kosovës nga COVID19 dhe pasojat e kësaj pandemie globale në të gjitha segmentet e shoqërisë (shëndet, ekonomi, arsim,etj).
- Mosbesimi ndaj kësaj Qeverie është vetëm akt politik paralajmërimi se dikur do të ketë qeveri tjetër. Qeveria tjetër, sipas iniciuesve dhe përkrahësve të mocionit të mosbesimit duhet të vijë që të zgjidhë problemet e veçanta politike (pozitën e atij ministri, divergjencat rreth tregtisë së lirë e të tjera) në momentin kur ta marrë mandatin e ri prej qytetarëve të Kosovës, në zgjedhje të parakohshme.
- Pra, edhe në rast të mosbesimit bëhet detyrë atdhetare që partitë politike të përfaqësuara në Kuvend ta përkrahin Qeverinë e Republikës së Kosovës në detyrë në luftën parësore kundër pandemisë COVID19 dhe pasojave të saj shoqërore.
- Kushtetuta e Republikës së Kosovës ofron garanci për vazhdimin e punës së Qeverisë së Republikës së Kosovës deri në krijimin e kushteve për mbajtje të zgjedhjeve të lira.
