7 orë më parëPas shkarkimit, Albin Kurti më nuk do te jete as deputet
Periskopi(6 vite më parë)
(6 vite më parë)Shkarkimi i Qeverisë Kurti me mocion votëbesimi, ashtu sic ka paralajmëruar dje Lidhja Demokratike e Kosovës, do të bëjë që Albin Kurti më të mos jetë as deputet në Kuvendin e Kosovës. Kështu, përvec Kurtit, edhe disa nga figurat më të njohura të kësaj partie nuk mund ta ushtrojnë funksionin e deputetit, përfshirë Albulena Haxhiun, […]
Shkarkimi i Qeverisë Kurti me mocion votëbesimi, ashtu sic ka paralajmëruar dje Lidhja Demokratike e Kosovës, do të bëjë që Albin Kurti më të mos jetë as deputet në Kuvendin e Kosovës.
Kështu, përvec Kurtit, edhe disa nga figurat më të njohura të kësaj partie nuk mund ta ushtrojnë funksionin e deputetit, përfshirë Albulena Haxhiun, Glauk Konjufcën e të tjerë.
Kjo, pasiqë Kurti dhe të tjerët, kanë dhënë dorëheqje nga mandati i deputetit dhe nuk mund të votohen sërish.
Kështu, Grupi Parlamentar i Vetëvendosjes, do të ketë figura vetëm si Rexhep Selimi ndërkaq pjesa tjetër, shumica është një përbërje me figura që për herë të parë kanë hyrë në Kuvendin e Kosovës.
Lidhja Demokratike e Kosovës, përkatësisht kryetari i saj Isa Mustafa, dje ka njoftuar se do të organizojnë mocion votëbesimi ndaj Qeverisë Kurti, pasi kryeministri Kurti shkarkoi nga detyra ministrin e LDK-së, Agim Veliu.
Mustafa, vec tjerash ka thënë se ‘shkarkimi i Veliut ishte një arsye shtesë’ duke thënë se ndër arsyet kryesore, është ‘mosrespektimi i kërkesave të Shteteve të Bashkuara të Amerikës për dialogun, nga ana e kryeministrit Kurti’.
LDK sot ka nisur konsultimet me parti të tjera në Kosovë, si mundësi për të formuar një qeveri teknike.
