Telekomi: Po funksionojmë pa asnjë ndërprerje

Telekomi njofton se staf esencial funksionojnë normalisht, nga ora 09:00-17:00.

Për më shumë lexoni njoftimin:

Telekomi i Kosovës po funksionon me çdo departament të tij për të ju ofruar qytetarëve të vendit shërbime pa asnjë ndëprerje, gjithnjë duke respektuar në tërësi urdhëresat e qeverisë së vendit.

Jemi angazhuar maksimalisht që cdo hallkë e veprimtarisë sonë të funksionojë. Shitja e produkteve po bëhet në të gjitha kanalet tona pa asnjë problem.
Pikat tona shitëse me staf esencial po funksionojnë normalisht, nga ora 09:00-17:00.
Në funksion janë edhe pikat e Postës së Kosovës si partner i yni strategjik, të gjitha marketet, pikat e karburantit, vendet ku shihet shenja e VALA-s dhe E-shop.
Por, jo vetëm kaq. Edhe në këtë gjendje, ekipet tona janë në shërbim të të gjithëve, duke intervenuar për të ju kthyer shërbimet të gjithëve.

Sot kishim një rast në Prishtinë, ku një operator ekonomik kishte këputur një kabllo dhe kishte lënë një pjesë të kryeqytetit pa internet.
Vet kryeshefi ekzekutiv Bedri Istrefi, ishte në vendin e ngjarjes për të inkurajuar kolegët tanë që të kryjenë me plot vullnet punën e tyre në shërbim të qytetarëve.
Falë angazhimit të këtyre punonjësve dhe përkushtimit të vet kryeshefit ekzekutiv, të gjitha shërbimet iu kanë kthyer qytetarëve të kësaj pjesë të kryeqytetit.

Mbesim të përkushtuar 24/7 që me gjithë kapacitetet e reduktuara të ju japim shërbim të gjithë qytetarëve të vendit.