Limaj: Nuk kam parë kopje më të zbehtë të Hashim Thaçit se Albini

LDK ka bërë të ditur se do të iniciojë mocionin e mosbesimit ndaj Qeverisë Kurti.

‘’Janë zhvillime interesante. Nëse kthehemi mbrapa me 6 tetor mund të shohim se ishte e pritshme. Kur nuk keni përvojë në koalicion mund të jetë e vështirë. Sistemi jonë politik nuk lejon të kemi qeveria me 61 vota. Duhet partneritet. Nuk kam parë në histori të koalicioneve të kemi kaq shumë dallime. Komunikimi me video mesazhe. Komunikimi në përgjithësi është në logjikën e funksionimit të këtij koalicioni. Nuk mund të shkarkosh një ministër për qëndrime dhe jep deklarata për qëndiemt e tija që janë të njëjta me kryetarin e partisë, ishte e pritshme’’, ka thënë Limaj.

Tutje ai tregon nëse do të votojnë mosbesimin si Nismë.

‘’Ne do të mblidhemi nesër. Këto zhvillime dramatike do të mblidhemi nesër dhe do krijojmë qëndrimin. Parimisht opozita është gjithmonë pro këtyre nismave. Duhet  të shkohet me rregullore. Sipas ligjit duhet së pari të përfundohet mocioni dhe pastaj të flitet për atë cfarë do të ndodhë’’, shton ai.

Limaj ka thënë po ashtu se nuk ka parë kopje më të zbehtë të presidentit Hashim Thaci, se kryeministri Albin Kurti.