Ky është numri i të vdekurve deri më tani nga koronavirusi në gjithë botën

Më shumë se 10,000 njerëz kanë vdekur pasi u infektuan me koronavirus, sipas një njoftimi nga Universiteti Johns Hopkins.

Shifrat vijnë pas gati tre muajsh që kur u konfirmua rasti i parë në Wuhan të Kinës me infeksion nga virusi.  Ky virus tashmë është përhapur në çdo kontinent përveç Antakrtidës.

Sipas këtij universiteti, rreth 250 mijë njerëz janë të infektuar nga koronavirusi i cili tashmë ka marrë përmasat e një pandemie.

Ndërkohë, situata në Evropë dhe Shtetet e Bashkuara po përkeqësohet gjithnjë e më shumë. Numri i vdekjeve në Itali tejkaloi atë të Kinës kontinentale dje, dhe sipas Johns Hopkins, vendi tani ka regjistruar më shumë se 41,000 raste.

Ndërkohë numri i të prekurve në SHBA tejkaloi 10,000 të enjten, nga më pak se 100 në fillim të muajit. /Periskopi/