Kush e mendonte që seksi në kohën e Koronavirusit do të ishte kaq problem i madh?

E kush do mendonte që do vinte koha dhe seksi do ishte një problem kaq i madh. Ta bëjmë apo mos ta bëjmë? Siç e kam thënë, nuk ka të dhëna që pohojnë që Covid-19 mund të trasmetohet edhe nëpërmjet lengjeve biologjike të trupit, por nga ana tjetër nuk ka as fakte që e mohojnë një gjë të tillë. Prandaj, duhet të tregohemi shumë të kujdesshëm. Nga ana “praktike” mbi seksualitetit në çift në kohën e coronavirusit, këshilla e parë është të kemi sjellje të vetëdijshme brenda çiftit:

1.      Nëse partneri ka temperaturë ose ka simptoma reale që na drejtojnë te coronavirus, sugjerimi është të mos praktikojmë asnjë akt seksual.

2.      Kujdesi nuk është asnjëherë i tepruar. Çifti duhet të qëndrojë një një vend të sigurt: nëse njëri nga partnerët është i detyruar të jetë në kontakt ( pune ) me persona të tjerë,  seksi, është padyshim që vendim që merret bashkë dhe që duhet biseduar mirë.

3.      Këshilla tjetër është e lidhur më të parën. A ka vërtetë vlerë që të jetojmë një moment të veçantë siç është ai që i dedikojmë dashurisë, por duke e jetuar me frikë dhe me merak ?

Nëse përgjigjja është jo, duhet të zhvillojmë, osë forcojmë një pjesë tjetër të lidhjes në çift, një pjesë më afektive dhe më intime, që prek më shumë telat e shpirtit nëpërmjet një mjeti shuuumë të fuqishëm, dialogut.

1.      Nëse nuk jetojmë në shtëpinë e njejtë duhet të jemi vazhdimisht në kontakt, sipas menyrës më të thjeshtë, duke zgjedhur orare të koordinuara dhe duke i respektuar ato.

2.      Të mundosh të ndash, edhe në largësi, momente nga jeta private. Video-thirrjet ndihmojnë.

3.      Duhet të jemi PERGJEGJËS, sidomos ata që nuk kanë një partner fiks. Duhet të kujdesen për shëndetin e tyre.

4.      Evitoni raportet e rastit dhe rezistojini tundimeve kompulsive.

Asgjë nuk do të zëvendësojë atë që ndodh në takimin midis dy trupave, sepse mungojnë prekja, ngrohtësia, era e tjetrit, lëvizjet sensuale që aktivojmë kur jemi fizikisht pranë dikujt që duam.  Por, pavarësisht  kësaj duhet të vazhdojmë të duhemi./Nga Zhaklin Lekatari