Kryetari i Vitisë: Përkundër thirrjeve të shumta për ushqim e pajisje, Qeveria s’po lëvizë

Komuna e Vitisë është ndër më të prekurat nga virusi, COVID-19.

Kryetari i Komunës së Vitisë, Sokol Haliti në një bisedë për Periskopin se ende janë duke u përballur me mungesë të furnizimit me barna dhe me masa mbrojtëse.

Haliti thotë se përkundër thirrjeve të shumta në drejtim të Qeverisë, deri tani është bërë shumë pak në këtë drejtim.

‘’Te furnizimet e kemi problemin kryesor. Furnizimi me pajisje mbrojtëse dhe medicionale dhe me ushqime. Niveli qeveritar është dashtë këto dy probleme me i zgjidh. Kemi bërë thirrje të shumta, por kanë bërë shumë pak. Nuk e di pse janë vonu. Me vendimin e Qeverisë të futet e gjithë Komuna e Vitisë në karantinë dhe të mos ndihmohet, nuk ka asnjë logjikë’’, tha Haliti.

Në Viti gjendja është e qetë, dashtë Zoti mos me u provu më shumë. Jemi të orgaanizuar, jemi në funksion të qendrës së emergjencë. Kryetari tha se gjendja e të infektuarve me koronavirus është stabile, në përjashtim të atyre në moshë të tretë.

”Gjendja e të infektuarve të Vitisë që ndodhen në Kliniken Infektive në Prishtinë, është stabile përveç e të moshuarve’’, tha Haliti.

Instituti Kombëtar i Shëndetësisë Publike në Kosovë ka thënë se të mërkurën është konfirmuar edhe për një person i prekur me koronavirus.

“Rasti i konfirmuar është rast kontakti nga fshati Bradash-Podujevë, e gjinisë femër 55 vjeç”, është thënë në njoftimin e këtij Instituti. Në njoftim është thënë edhe se deri më tani ky Institut ka kryer 308 teste të personave që dyshohet se janë prekur nga sëmundja COVID-19. Me rastin e fundit, në Kosovë deri më tani është raportuar për 20 persona të infektuar me koronavirus. Sipas të dhënave të Universitetit Johns Hopkins në gjithë botën, në total janë: 201,672 njerëz të infektuar, 8,008 të vdekur dhe 82,071 të shëruar./Periskopi/Zana Rugova/