Infektohet me Koronavirus edhe njeriu më seksi në planet: Vajzat shkulin flokët

Elba, 47 vjeçar, ka thënë që i ka marrë rezultatet e testit të hënën në mëngjes. Deri tash, ylli i “Lutherit” ka thënë se ndihet mirë dhe nuk ka asnjë simptomë, sipas një videoje të postuar në Twitter, shkruan CNN, përkthen Periskopi.

Elba ka deklaruar se është izoluar që kur e mori vesh të premten se kishte qenë i ekspozuar ndaj dikujt që ishte testuar pozitivisht.

Ai ka inkurajuar njerëzit që të praktikojnë distancën sociale dhe të lajnë duart, duke theksuar se ka njerëz asimptomatikë si vetë ai që mund t’ia ngjesin virusin.

“Qëndroni në shtëpi dhe bëhuni pragmatikë,” shkroi ai.

“Këqyreni, ne po jetojmë në një botë të ndarë tash… por koha është për solidaritet. Tash është koha që të mendojmë për njëri-tjetrin. Ka shumë njerëz jetët e të cilëve janë të afektuara.” – vazhdoi ai.

Elba është shpallur nga një revistë si burri më seksi i gjallë. /Periskopi