3 orë më parëEkspertët flasin për Depresionin e Madh Ekonomik: Çka ishte dhe si e pësuan njerëzit në atë kohë?
Periskopi(6 vite më parë)
(6 vite më parë)Për shkak të masave të Koronavirusit, ekonomia botërore ka ulur ndjeshëm aktivitetin e esaj dhe shumë ekspertë kanë thënë se një Recesion si ai i vitit 2008 duket në horizont, ndërkohë që së fundi është përmendur edhe ai që njihet si Depresioni i Madh. Depresioni i madh ishte një depresion global e i rëndë ekonomik […]
Depresioni i madh ishte një depresion global e i rëndë ekonomik që u shtri kryesisht gjatë viteve 30 dhe që nismën e pati pikërisht në Shtetet e Bashkuara të Amerikës.
Në shumicën e vendeve, Depresioni i Madh nisi në vitin 1929 dhe zgjati deri në fund të viteve ’30, megjithëse në librat e historisë e keni mësuar datën 1929-1933.
Depresioni i Madh nisi në Shtetet e Bashkuara pas një rënieje të madhe në çmimet e stoqeve të aksioneve diku rreth 4 shtatorit të vitit 1929 dhe u përhap si lajm global me rënien e plotë të tregut të stoqeve më 29 tetor të vitit 1929 (e njohur si E marta e Zezë).
Prej vitit 2929 deri më 1932, GDP-ja kishte rënë për 15 për qind, që në krahasim me GDP-në botërore të në Recesionin e Madh të 2008-s ishte vetëm 1 për qind.
Depresioni i Madh pati efekte shkatërrimtare edhe në vendet e pasura por edhe në ato të varfrat. Të ardhurat personale, të hyrat nga taksat, përfitimet dhe çmimet ranë, ndërkaq tregtia botërore u reduktua për 50 për qind. Papunësia në ShBA u ngrit në 25 për qind, ndërsa në disa vende tjera të pasura deri në 33 për qind.
Shkaqet e Depresionit të Madh ekonomik janë ende shumë të debatuara por shumica përfshijnë sistemin e dobët bankar, mbiprodhimin, dhe politikat qeveritare.
Studiuesit kanë thënë që përgjatë Depresionit të Madh, 50 për qind e fëmijëve në botë nuk kishin pasur ushqim adekuat, e as strehim apo kujdes shëndetësor.
Gjatë viteve 30, mijëra shkolla operonin në orare të reduktuare apo ishin të mbyllura krejtësisht. Gati tre milionë fëmijë e kishin lënë shkollën. Pikërisht gjatë asaj kohe u bë e famshme dalje e njerëzve nëpër rrugë për të shitur molla, duke shmangur turpin e lypjes së thjeshtë. Vetëm në Nju Jork raportohet për 6 mijë shitës mollash.
Pikërisht gjatë viteve të Depresionit të Madh, ekonomisti John Maynard Keney mori popullaritet të madh pasi avokonte vazhdimisht për intervenimin qeveritar në ekonomi dhe për ndërrimin e politikave qeveritare. /Periskopi
