6 orë më parëEdhe një person i dyshuar me koronavirus në Lipjan, punonte në kopshtin e të infektuarit
Periskopi(6 vite më parë)
(6 vite më parë)Një person, i cili punonte në kopshtin e 46-vjeçarit nga fshati Janjevë e Lipjanit rezultoi pozitiv me koronavirus të enjten, dyshohet se është prekur nga COVID-19, ka thënë kryetari i komunës, Imri Ahmeti. Në një bisedë telefonike me Insajderin, Ahmeti është shprehur se personi i dyshuar punonte si kopshtar në shtëpinë e 46-vjeçarit. Sipas kreut […]
Një person, i cili punonte në kopshtin e 46-vjeçarit nga fshati Janjevë e Lipjanit rezultoi pozitiv me koronavirus të enjten, dyshohet se është prekur nga COVID-19, ka thënë kryetari i komunës, Imri Ahmeti.
Në një bisedë telefonike me Insajderin, Ahmeti është shprehur se personi i dyshuar punonte si kopshtar në shtëpinë e 46-vjeçarit.
Sipas kreut të Komunës së Lipjanit, i dyshuari ka dërguar mostrat për ekzaminim në QKUK, raporton Insajderi.
“Është edhe një rast i dyshimtë që është dërguar në Prishtinë, por akoma nuk kanë dal rezultatet e këtij rasti. Personi ka shkuar mbrëmë në Prishtinë, por edhe sot ka shkuar sërish në mëngjes”, ka thënë Ahmeti për Insajderin.
“Personi në fjalë ka qenë duke punuar në oborrin e personit të infektuar. Ka punuar aty si kopshtar”, ka thënë Ahmeti.
46-vjeçari, i cili regjistroi me koronavirus të enjten, ishte kthyer nga Berlini me aeroplan më 11 mars, ka njoftuar dje Instituti Kombëtar i Shëndetësisë Publike (IKSHPK).
Deri sot, IKShPK-ja ka konfirmuar 21 raste me koronavirus në Kosovë.
