4 orë më parëDeputeti i VV-së i gëzohet lajmit për tërheqjen e Contour Global: I premton 600 megawat rrymë me pak pare
Periskopi(6 vite më parë)
(6 vite më parë)Ish drejtuesi i emisionit politiko-mjekësor Puls dhe deputeti i Vetëvendosjes, Mefail Bajqinovci, ka reaguar pas vendimit të Kompanisë Contour Global për t’u tërhequr nga plani për ndërtimin e Termocentralit “Kosova e Re” me kapacitet prej 500 megavatësh. Bajqinovci e ka cilësuar si “lajm të mirë për vendin” tërheqjen e Contour Global edhe pse nuk ofron […]
Bajqinovci e ka cilësuar si “lajm të mirë për vendin” tërheqjen e Contour Global edhe pse nuk ofron asnjë ide konkrete mbi zgjidhjen e mundshem të krizës energjetike që e pret vendin nëse situata vazhdon të mbetet njësoj. Po ashtu, ai duket krejtësisht i pashqetësuar nga ideja për rindërtimin e termocentralit Kosova A.
Ai përmend arsyen e dhënë nga ky termocentral, e që ishin ndryshimet politike dhe tërheqja nga projektet me thëngjill, shkruan Periskopi.
Ish gazetari ka thënë se për 210 milionë euro do të ofrohen 600 megawat nga rindërtimi i tri blloqeve të Termocentralit Kosova A, por pa treguar se si do të bëhej një gjë e tillë.
Më poshtë e keni statusin e tij të plotë në Facebook:
Lajm i mirë për vendin
Kompania Contour Global ka planifikuar të tërhiqet nga planet për ndërtimin e Termocentralit “Kosova e Re” me kapacitet 500 megavatë.
Si arsye e tërheqjes është se kompania nuk e ka ndërmend të ndërtojë projekte me thëngjill në të ardhmen. Si arsye ka përmendur edhe ndryshimet politike që kanë ndodhur në Kosovë.
Me mbi 1.3 miliardë për 500MW Kosova e Re krahasuar me 210 milionë për 600 MW, pra rindërtimi i tre blloqeve të TC Kosovës A.
