7 orë më parëDanimarka s’ka pallavra si Qeveria jonë: Paguan 75 për qind të rrogës për punëtorët e kompanive private
Periskopi(6 vite më parë)
(6 vite më parë)Qeveria daneze iu ka thënë kompanive private që po e kanë të zorshme me masat drastike kundër përhapjes së koronavirusit se do ta mbulojë rrogën e punëtorëve të tyre me 75 për qind, nëse premtojnë që nuk do t’i qesin punëtorët nga puna. Kjo ndihmë qeveritare do të zgjas tre muaj, deri më 9 qershor […]
Kjo ndihmë qeveritare do të zgjas tre muaj, deri më 9 qershor dhe shteti do të paguajë plot 75 për qind të pagës së punëtorëve deri në një maksimum prej rreth 3200 eurosh në muaj, ndërsa kompanitë do të paguajnë vetëm 25 për qind, shkruan Euractiv, përkthen Periskopi.
“Nëse ka një rënie të madhe në aktivitet, dhe prodhimi ndalet, ne e kuptojmë nevojën që t’i dërgoni punëtorët në shtëpi. Por, ne iu kërkojmë të mos i qitni nga puna ata,” tha kryeministrja Mette Fredriksen në një konferencë për media.
Punëtorët do të obligohen që të marrin një pushim të përkohshëm apo kohë jashtë pune prej pesë ditësh, shtoi më pas ajo.
Kjo ofertë është një prej shumë paketave ndihmuese ekonomike që janë marrë nga qeveria për t’i ndihmuar kompanitë private – të cilat po përballen me vështirësi për shkak të përhapjes së koronavirusit.
Masat kundër përhapjes në Danimarkë janë si në Kosovë, mbyllja e kufijve, shkollave dhe universiteteve, dhe dërgimi në shtëpi i punëtorëve të sektorit publik, e të tjerë. Por, në Kosovë qeveria nuk ka ndihmuar në asnjë formë sektorin privat.
Përveç fjalëve dhe dramave politike, Qeveria Kurti nuk ka vesh për problemet me të cilat po përballet sektori privat. /Periskopi
