Bregasi: Edhe italianët si kosovarët s’e morën seriozisht koronavirusin, nuk është pushim është vetëizolim

Ajo tha se siç po e sheh në rrjetet sociale as në Kosovë nuk po e marrin shumë seriozisht mbylljen nëpër shtëpia – si e vetmja zgjidhje që parandalon një katastrofë të mundshme të përhapjes së këtij virusi.

“Italia është vendi që ka më shumë raste dhe ndoshta është në këtë vend për shkak se ka bërë shumë analiza. Italia e nënvlerësoi pak në fillim. Në fakt populli italian e nënvlerësoi, ashtu siç po shoh që po e nëvlerëson populli në Kosovë”

“Unë nuk them reduktoni takimet, por ndalojeni ato. Duke e marrë parasysh gjendjen e mjekësisë në Kosovë, brenda një javë mund të përballet me katastrofë”, ka thënë ajo në Klan Kosova, shkruan Periksopi.

Po ashtu ajo ka reaguar përsëri për daljen e qytetarëve në parkun e Gërmisë duke thënë se nuk është pushim, por është vetizolim.

“Nuk është pushim, është vetizolim. Pash njerëzit në Gërmi, baret hapur, çfarë kuptimi ka që të mbyllen shkollat pra? Ose izolim për të gjithë, ose bëhuni gati për katastrofë.
Në Itali plazhet, parqet… janë bosh. Vetëm makinat e policisë patrullojnë. Radha në dyqane mbahet jashtë, brenda vetëm një numër njerëzish mund të hyjnë me maska e dorëza, ndërkohë që ka filluar dezinfektimi i gjithë qyteteve. Pas 1 jave do e shikojmë efektin.
I mençuri mëson nga gabimet e të tjerëve, bëhu i mençur!”, ka shkruar ajo në FB.

Kutjojmë që në Kosovë numri I të infektuarve me koronavirus ka arritur në 16./Periskopi/