6 orë më parëZëvendëskryeministri i ardhshëm, Haki Abazi kundër presidentit Donald Trump
Periskopi(6 vite më parë)
(6 vite më parë)Zëvendëskryeministri i ardhshëm në Qeverinë e Kosovës, Haki Abazi para katër viteve në një pronocim për media kishtë thënë se ardhja në pushtet e tani presidentit të SHBA’së, Donald Trump do të ishte e dëmshme për Ballkanin. Sipas Haki Abazit të nominuarit nga Vetëvendosje për zëvendëskryeministër do të ishte e dëmshme për Ballkanin zgjedhja e […]
Sipas Haki Abazit të nominuarit nga Vetëvendosje për zëvendëskryeministër do të ishte e dëmshme për Ballkanin zgjedhja e Donald Trump, në postin e Presidentit të Shteteve të Bashkuara.
“Trump deklarohet hapur se ka simpati ndaj politikave të presidentit Putin. Nga kjo mund të ketë vetëm një përfitues, ai është elementi serb. Por, i gjithë Ballkani do të jetë në një situatë të rikthyer të konfliktit Lindje-Perëndim, që nuk ka sjellë dobi në të kaluarën e nuk do të sjellë as në të ardhmen”, kishte thënë ai.
Abazi po ashtu jepte shembuj konkretë për këtë rast.
“Republika Serbe në Bosnje, Maqedonia dhe veriu i Kosovës mjaftojnë për një konflikt lokal rajonal”, shtoi më tej Haki Abazi.
Por sipas Abazit ishte krejt e kundërta në rastin e Hillary Clintonit e cila kishte qenë kundër kandidate e Trump në zgjedhjet e fundit në SHBA.
“Ka një lidhje të drejtpërdrejtë dhe emocionale për faktin se, Clinton ka qenë Zonjë e Parë gjatë ndërhyrjes si në Bosnje, edhe në Kosovë. Ka gjithashtu një analizë më të detajuar për rëndësinë gjeopolitike të Ballkanit në konfliktin Rusi-Perëndim. Dhe ana e Turqisë do të jetë një shtytje e shpejtë e përfshirjes së Balkanit në Bashkimin Europian. Duke pasur parasysh që Britania ka zvogëluar interesin në Ballkan pas ‘Brexit’-it dhe Europa është para sfidës së një rritjeje të influencës së ekstremit të djathtë si në Francë e Gjermani, që janë kundër zgjerimit të BE-së dhe kundër shpërndarjes së të mirave, për vende që mendojnë se nuk e meritojnë të jenë pjesë pa dhënë kontributin e tyre”, pati deklaruar Abazi.
Megjithatë, Haki Abazi besonte se shumica e amerikanëve nuk do të zgjedhin Trumpin për president.
“Një shtet që ka motorët e modelit progresiv në botë nuk do të lejojë që të vijë Trumpi, i cili ka ndërtuar platformën e tij politike mbi ide ksenofobike, islamofobike, antilatino-amerikane, duke diskriminuar gjininë femërore dhe emigrantët, që në fakt janë njerëz që bëjnë punë të rënda dhe të rëndësishme në funksionimin e shoqërisë amerikane. E shoh të pamundur, jo për faktin se Clinton është freskia më e madhe në kuptimin e mendimit progresiv, por për faktin se, sa ulët dhe sa larg është Trump me realitetin e shoqërisë amerikane”, kishte thënë Abazi.
