6 orë më parëVendos Gjykata Holandeze: Robotët qeveritarë dhunuan të drejtat e të varfërve
Periskopi(6 vite më parë)
(6 vite më parë)Një gjykatë holandeze ka urdhëruar ndalimin e menjëhershëm të sistemit të mbikëqyrjes automatike për detektimin e mashtrimeve të mirëqenies sepse dhunon të drejtat e njeriut, në një gjykim që pritet të ketë ndikim edhe në vendet e tjera përveç Holandës. Rasti ishte parë si një sfidë e rëndësishme ligjore e përdorimit kontrovers por të rritur […]
Rasti ishte parë si një sfidë e rëndësishme ligjore e përdorimit kontrovers por të rritur nga qeveritë anë e mbanë botës të inteligjencës artificiale [AI] dhe rrezikojnë modelimin në administrimin e përfitimeve të mirëqenies dhe shërbimeve të tjera thelbësore.
Aktivistët thonë se “këto shtete digjitale të mirëqenies” – të zhvilluara shpesh pa kurrfarë konsultimesh, dhe të operuara në mënyrë të fshehtë dhe pa një mbikëqyrje adekuate – kanë spiunuar të varfrit, duke thyer normat e privatësisë dhe të të drejtave të njeriut.
Ato po ashtu kanë penalizuar padrejtësisht njerëzit më të shtypur të vendit, shkruan The Guardian, përkthen Periskopi.
Raportuesi special i OKB-së mbi varfërinë ekstreme dhe të drejtat e njeriut, Philip Alston, ka përshëndetur verdiktin duke thënë se kjo ishte “një fitore e qartë për të gjithë ata që kanë qenë me të drejtë të shqetësuar për kërcënimet serioze që paraqesin sistemet digjitale të mirëqenies për të drejtat e njeriut”.
Të vendosur kryesisht nëpër lagjet e njerëzve të varfër, robotët mblidhnin të dhëna qeveritare, të tilla si punësimi, përfitimet dhe rekordet e borxheve personale, më tej arsimimin dhe historinë e vendbanimeve, për t’i analizuar më pas ato duke përdorur një algoritëm sekret për të identifikuar se cilët individë mund të përbënin më shumë rrezik që të shkaktonin mashtrime me përfitime. /Periskopi
