4 orë më parëTë shtëna me armë zjarri në Elbasan, i dyshuari tenton t’i ikë policisë, përplas 4 makina dhe plagos 5 persona
Periskopi(6 vite më parë)
(6 vite më parë)Këtë paradite në afërsi të Krastës në Elbasan, një aksident masiv ka ndodhur për shkak të një personi i cili po ndiqej prej disa kohësh nga policia. Shtetasi Aldiron Shehu nuk i është përgjigjur thirrjes së policisë për të ndaluar që në Korçë dhe pikërisht për këtë shkak policia ka nisur ndjekjen, derisa në Elbasan […]
Shtetasi Aldiron Shehu nuk i është përgjigjur thirrjes së policisë për të ndaluar që në Korçë dhe pikërisht për këtë shkak policia ka nisur ndjekjen, derisa në Elbasan ka ndodhur aksidenti i shumëfishtë me 5 të lënduar.
Një postobllok është vendosur në Krastë por Shehu ka tentuar ta evitojë duke shkaktuar kështu aksidentin me disa të lënduar, konkretisht: Eugen Abdurrazaku, efektivi i policisë; Diana Plaka, Durim Plaka, burrë e grua; Albert Cani, instruktor autoshkolle dhe Adriana Mukja.
Bëhet me dije se policia madje ka qëlluar dhe me armë në formë paralajmërimi ndaj Shehut, teksa ky i fundit ndiqej prej disa kohësh nga policia.
Në përfundim të ndjekjes, policia e ka prangosur Aldiron Shehun. Në brendësi të makinës së tij janë gjetur një sërë targash false, të cilat ende nuk është mësuar se për çfarë do të përdoreshin./Express
Ndërkohë të lënduarit janë përcjellë në spitalin e Elbasanit dhe fatmirësisht asnjëri prej tyre nuk ka pësuar lëndime serioze.
