4 orë më parëSurroi sulmon LDK-në për mos-arritje të marrëveshjes me VV-në, i bie alarmit për koronavirusin në Kosovë
Periskopi(6 vite më parë)
(6 vite më parë)Publicistja e njohur kosovare, Flaka Surroi, ka botuar sot një vështrim të titulluar “Sa ironike” e në të cilën tematizon zhvillimet e javës së kaluar, me theks të veçantë te mos-marrëveshja për arritjen e koalicionit qeverisës mes LDK-së dhe VV-së, dhe te vrasja e një polici në Prizren. Zonja Surroi si duket e ka shkruar […]
Zonja Surroi si duket e ka shkruar opinionin në fjalë disa ditë më parë, sepse të paktën ky vështrim nuk pasqyron zhvillimet e ndodhura dje dhe pardje.
Gjatë ditës së djeshme u konkretizua marrëveshje për bashkëqeverisje mes LDK-së dhe VV-së, me votimin që ndodhi për qeverinë e re, ndërsa pardje u nënshkrua marrëveshje bashkë-qeverisëse, shkruan Periskopi.
Por, Surroi në vështrimin e botuar sot e që na kthen prapa në kohë vazhdon të sulmojë LDK-në që vazhdon të ngulmojë për pozitën e kryetarit të Kuvendit të Kosovës, e të cilin vetë e kishte votuar. Në fakt, Vetëvendosje hoqi dorë nga pozita e kryetarit të Kuvendit dhe detyroi z.Konjufca që të jepte dorëheqje për të marrë pozitën e ministrit të Punëve të Jashtme.
“E marrëveshja e koalicionit ka ngecur për shkak se LDK-ja, pos kryetarit, me ngulm e kërkon edhe dorëheqjen e Konjufcës, të cilin vetë e votoi, për t’ia dhënë këtë post përkohësisht Vjosa Osmanit, e cila më pas, kur të vijë radha e zgjedhjes së kryetarit, do t’ia dorëzonte prapa VV-së.” – shkruan Surroi.
Por, Surroi në fund të shkrimit ka edhe një paragraf paralajmërues për korona-virusin.
“E sa mallin e marrim ne nga Kina, duhet pasur frikë që ky mund të mbërrijë edhe te ne me shpejtësi më të madhe seç e mendojmë. Dhe e dyshoj shumë se do të ishim të gatshëm për ta luftuar atë si duhet, kur sivjet me shumë vonesë u sollën veç 100 mijë doza të vaksinës kundër gripit sezonal.”
Më poshtë mund ta lexoni shkrimin në fjalë duke klikuarKËTU.
