6 orë më parëShqipëria në panik nga lajmet e rreme për Koronavirusin: Detyrohet të reagojë ministrja e Shëndetësisë
Periskopi(6 vite më parë)
(6 vite më parë)Teksa aktualisht qarkullon kudo në rrjetet sociale një mesazh zanor ku thuhet se në Shqipëri rezultojnë 12 të prekur me koronavirus, ministria e Shëndetësisë dhe Mbrojtjes Sociale, Ogerta Manastirliu, ka ftuar të gjithë qytetarët që të shmangin informacionet e rreme që sipas saj, në këto momente po përhapen për koronavirusin me qëllim rritjen e panikut. […]
“Të gjitha informacionet që përhapen në rrugë jo zyrtare, në rrjete sociale, media, nuk duhet të merren në konsideratë pasi nuk referojnë situatën reale dhe dëmtojnë mbi të gjitha sigurinë publike duke përhapur panik të panevojshëm. Aq më pak duhen besuar mesazhe zanore dashakeqe, të sajuara dhe hedhur në qarkullim njësoj si ato të pak muajve më parë pas situatës së tërmetit.” – tha znj.Manastirliu.
Ministria e Shëndetësisë dhe Mbrojtjes Sociale bën me dije se të gjitha informacionet mbi situatën e koronaviriusit publikohen në faqen zyrtare të MSHSH dhe në profilet e saj në rrjete sociale dhe media.
MSHMS publikon çdo ditë informacionin zyrtar mbi koronavirusin në përputhje me udhëzimet e Organizatës Botërore të Shëndetësisë.
Ministria e Shëndetësisë rekomandon të gjithë qytetarët që kanë udhëtuar nga vendet e prekura, të telefonojnë në numrin e Urgjencës Kombëtare 127 në rast të shfaqjes së çdo shqetësimi apo shenje klinike”, thuhet në prononcimin për mediat./Periskopi
