Sanders përjashton nga fushata drejtorin rajonal pas sulmeve personale ndaj kundër-kandidatëve

Por, gjërat mund të kenë marrë një kthesë të madhe pas zbulimeve të fundit.

Llogaria private e Twitterit e stafit të fushatës së tij tregon për ngacmime të tmerrshme online, duke qenë e ngjashme me atë që kanë bërë edhe stafi dhe mbështetësit e presidentit aktual amerikan, Donald Trump.

Ben Mora, drejtori rajonal për Sandersin, ka sulmuar demokratët e tjerë në garë – e po ashtu edhe anëtarët e familjes së tyre, të afërmit, gazetarët, apo edhe të famshmit që i kanë mbështetur – në terme tepër personale, duke u tallur me dukjen e tyre, me gjininë, e madje edhe me seksualitetin, mes gjërave tjera, shkruan Daily Beast, përkthen Periskopi.

Për senatoren Amy Klobuchar, Mora ka shkruar, “duket si emri i saj, e ngjyrosur, e rëndë, dhe me origjinë e qëllime konfuze.”

Për kryetarin e South Bendit, Pete Buttigiegit “kjo është ajo që ndodh kur terapisti prish bisedën”. Ai ka ngacmuar edhe burrin e tij, Chastenin.

Ai ka tallur edhe paraqitjen fizike të senatores Elizabeth Warren, për të cilën ka thënë se duket “si m*t” dhe si “një të rritur që i ka fetish pelenat”.

Llogaria, nga e cila Mora ka postuar në Twitter, është shembulli i fundit i sjelljes helmuese të mbështetësve dhe stafit të tij që karakterizohet me armiqësi ekstreme ndaj rivalëve e kritikëve të tij.

Pasi doli një lajm i tillë, drejtori për shtyp i fushatës së Sandersit i tha Daily Beastit që “ne po garojmë në një fushatë shumëracore dhe shumëbrezëshe për drejtësi ku sjelljet e neveritshme dhe sulmet personale nga stafi ynë nuk do të tolerohen.”

Mora, ka konfirmuar fushata e Sandersit, është pushuar menjëherë nga puna.

Edhe Kosova ka qenë e prekur dhe vazhdon të jetë e prekur nga sjelljet e tmerrshme abuzive e toksike të militantëve politikë të partive të ndryshme, e veçanërisht të partisë më të madhe në pushtet që sulmon pamëshirshëm personalisht të gjithë kritikët apo oponentët e partisë së tyre. /Periskopi