3 orë më parëReferendumi i VV-së: Rreth 30 mijë aktivistë votojnë ‘për’ ose ‘kundër’ koalicionit me LDK-në
Periskopi(6 vite më parë)
(6 vite më parë)Pas nënshkrimit të marrëveshjes me Lidhjen Demokratike të Kosovës, Lëvizja Vetëvendosje nga ora 14:00, ka nisur referendumin partiak për këtë marrëveshje. Ky referendum do të përfshijë të gjithë aktivistët, të organizuar në të gjitha qendrat e VV-së, ku të drejtë vote kanë rreth 30 mijë aktivistë. Rinë Zhitia, kryesuese e Komisionit Zgjedhor të Prishtinës, tha […]
Pas nënshkrimit të marrëveshjes me Lidhjen Demokratike të Kosovës, Lëvizja Vetëvendosje nga ora 14:00, ka nisur referendumin partiak për këtë marrëveshje.
Ky referendum do të përfshijë të gjithë aktivistët, të organizuar në të gjitha qendrat e VV-së, ku të drejtë vote kanë rreth 30 mijë aktivistë.
Rinë Zhitia, kryesuese e Komisionit Zgjedhor të Prishtinës, tha se janë hapur të gjitha vendvotimet, derisa ka ftuar të gjithë anëtarët që kanë të drejtë vote, të ushtrojnë të drejtën e tyre.
Edhe pse e diele, me të kuptuar që po organizohet ky votim, Flamur Pireva, aktivist i Lëvizjes Vetëvendosje ka ardhur të ushtrojë të drejtën e tij.
Marrëveshjet qeveritare sipas nenit 28 të statutit të VV-së parashihen që të vendosen me anë të demokracisë së drejtpërdrejtë, me parimin një aktivist një votë. Rezultatet e këtij referendumi pritet të bëhen publike sonte në orën 19:00
