Reçica për koalicionin VV-LDK: Nuk e kanë qëllimin të qeverisin por të gllabërojnë shtetin

Reçica tha se Kurti dhe bashkëpunëtorët e tij qysh në fillim janë lodhur nga marrja e përgjegjësive.

Sipas tij Albin Kurti ka folur ndryshe dhe ka vepruar ndryshe në aktivitetin e tij politik gjatë kësaj dekade.

“Albin shpejtë keni nis me u lodhë, se të ikën ushtarët. Kandidati për kryeministër Albin Kurti, në ekspozenë 20 minutëshe tha diçka që se kemi dëgjuar më parë. Kujt t’i besojmë Albin Kurtit që foli këtu, apo Albin Kurtit që ka vepruar për 10 vjet këtu. Kjo është shumë me rëndësi jo për hirë të qeverisë, jo për hir të Albin Kurtit por për hir të së ardhmës. VV dhe LDK, pas 6 tetorit kanë zhagitur “- tha Reçica.

Deputeti i PDK-së shtoi se Vetëvendosja dhe Lidhja Demokratike e Kosovës, nuk e kanë për qëllim qeverisjen por gllabërimin e shtetit.

“Ata po bëjnë gllabërimin dhe zënien e posteve. Këto dy parti nuk kanë për qëllim të qeverisin shtetin, por të gllabërojnë sa më shumë shtetin. Këto dy parti nuk mund të garantojnë përmbylljen e shtetësisë së Kosovës, zhvillimin ekonomik dhe mbrojtjen e sovranitetin. E keni mashtruar diasporën duke kërkuar të iu votojnë kinse ju do t’i përkrahni. “- shtoi ai.

Sipas tij lideri i LVV-së nuk zgjedh metoda për të ardhur në pushtet.

“Albin Kurti nuk ka zgjedh metoda për të ardhur në pushtet.Albin Kurti për të ardhur në pushtet është në gjendje të ndryshojë çdo gjë. Gjithë veprimtaria e Albin Kurtit dhe Lëvizjes Vetëvendosje lidhet me papërgjegjësi, linçim, sulm ndaj institucioneve shtetërore, krijim të organizatave kriminale siç është Syri i Popullit, deri më eliminim “- tha Reçica.

Elmi Reçica tha se Partia Demokratike do të qëndrojë gjithmonë krah qytetarëve.

“Partia Demokratike e Kosovës do të qëndrojë në krahë dhe në mbrojtje të shtetit të Kosovës, duke respektuar himnin dhe flamurin e Kosovës “- tha në fund Reçica.