6 orë më parëOrteqet e borës vrasin dhjetëra punëtorë kërkim-shpëtimi në Turqi
Periskopi(6 vite më parë)
(6 vite më parë)Të paktën 23 punëtorë të kërkim-shpëtimit janë vrarë në një rrugë malore në lindje të Turqisë pasi ishin goditur nga një ortek bore duke u munduar të gjenin dy të tjerë që ishin zhdukur në rëniet e para të borës. Autoritetet kanë thënë se 300 punëtorë të shërbimeve emergjente ishin thirrur në rrugën afër qytetit […]
Autoritetet kanë thënë se 300 punëtorë të shërbimeve emergjente ishin thirrur në rrugën afër qytetit malor të Bahçesarayit në provincën Van, që është në kufi me Iranin, pasi orteku i parë i të martës raportohet të kishte vrarë pesë njerëz.
Rreth mesditës, ekipi i shpëtimit u ngujua nga një tjetër ortek bore, shkruan The Guardian, përkthen Periskopi.
Ekipet e emergjencës po kërkonin për kolegë të tjerë të tyre që mund të jenë varrosur nën borë.
Pamjet nga vendi i ngjarjes tregojnë për të paktën tri automjete të përmbysura nga orteqet e rëna nga kodra pas një stuhie bore. Mjegulla, bora e rëndë dhe erërat e forta kishin rënduar më tej kushtet për kërkim-shpëtim.
Agjencia shtetërore e lajmeve Anadolu tha se edhe operatori, Bahattin Karagulle, ishte ngujuar në borë për 25 minuta para se ta thyente dritaren dhe të shpëtonte. /Periskopi
