Ky është kulmi: Deputeti i zgjedhur i VV-së u tall me protestën e kësaj partie ku mbetën të vdekur 2 njerëz

Që nga dita e fitores së kësaj partie, kjo parti është atakuar na oponentët politikë dhe analistët për ndërrimin e qëndrimeve të mëparshme, shkruan Periskopi.

Por, edhe një tjetër degradim ka dalë në pah pas leximit të statusit të korrigjuar të deputetit të zgjedhur të Vetëvendosjes, z.Jahja Kokaj.

Kokaj kishte shkruar një status me mbi 130 gabime drejtshkrimore, e me fjali që nuk mund të lexoheshin shkaku i keq-renditjes së fjalëve.

Nga rileximi i këtij statusi marrim vesh se z.Kokaj e ka quajtur njeri gjenial z.Marti Ahtisaari i cili pikërisht më 2 shkurt kishte propozuar Planin e tij për statusin final të Kosovës dhe i cili para se të çonte drejt Shpalljes së Pavarësisë së Kosovës, tetë ditë më vonë, më 10 shkurt të vitit 2007 do të çonte drejt një tragjedie të tmerrshme njerëzore.

Në protestat e thirrura nga Vetëvendosje në kundërshtim ndaj kësaj Pakoje të Ahtisaarit, do të mbesnin të vdekur 2 njerëz, Mon Balaj dhe Arben Xheladini ndërkohë që mbi 80 do të plagoseshin, disa prej të cilëve rëndë.

Policia rumune e Unmik-ut kishte përdorur forcë të tepruar ndaj protestuesve të Vetëvendosjes në atë kohë.

Por, deputeti i zgjedhur i Vetëvendosjes duket se ka mbetur krejtësisht pa përshtypje për atë periudhë, duke e quajtur “gjenial” z.Marti Ahtisaari.

Paragrafi i korrigjuar

Paragrafi i pakorrigjuar