Kriza në veri 2011-13: Çka çoi në garancinë që Thaçi i dha KFOR-it?

“Në emër të Qeverisë së Republikës së Kosovës, unë ju ofroj garanci se Forca e Sigurisë së Kosovës do të ketë mundësi të ndërmarrë misione në veri të Kosovës vetëm në bashkëveprim KFOR-in. Kjo është në përputhje të plotë me obligimet ekzistuese të Kosovës kundrejt NATOs të cilat Qeveria e Republikës së Kosovës i zbaton me seriozitetin më të madh. “ – kishte shkruar z.Thaçi, në atë kohë kryeministër, në një letër dërguar z.Rasmussen.

Por, çka çoi drejt një garancie të tillë që e dha z.Thaçi?

Presioni ndërkombëtar ndaj Kosovës në atë periudhë ishte shtuar shumë pas një operacioni që e kishte ndërmarrë FSK-ja bashkë me Policinë e Kosovës më 25 korrik të vitit 2011 në komunat e kontrolluara nga komuniteti serb në Veri të Kosovës, në përpjekje për të kontrolluar kalimet e kufijve administrativë të kufirit pa konsultimin e institucioneve të Kosovës.

BE-ja në atë kohë e kishte kritikuar ashpër Kosovën për provokim të njëanshëm të konfliktit.

Më 19 prill të vitit 2013, një marrëveshje ishte nënshkruar në Bruksel mes përfaqësuesve politikë të Kosovës dhe të Serbisë.

Kryeministri Thaçi tha se qëllimi i operacionit policor kishte qenë “një hap konkret në vendosjen e rendit dhe ligjit në Veri të Kosovës.” Ai po ashtu shtoi se përgjatë bashkëpunimit me “komunitetin ndërkombëtar”… kushtetuta dhe sovraniteti i vendit tim janë të shenjta për mua dhe për bashkëvendësit e mi dhe shkojnë përtej çdo partneriteti apo miqësie ndërkombëtare.”

Më 3 gusht, ai kishte deklaruar se nuk do ta pranonte një marrëveshje mes KFOR-it dhe Serbisë që përfshinte bllokimin e rrugëve që kishte ndodhur nga serbët lokalë në veri të vendit.

Menjëherë më 26 korrik të vitit 2011, gjatë operacionit për të marrë postet e kufirit administrativ, Enver Zymberi, anëtar i Forcave Speciale të Policisë së Kosovës, ishte vrarë nga një snajperist serb. Njëzet e pesë policë të tjerë ishin lënduar. /Periskopi