Krasniqi: Vjosa Osmani do ti kishte inspirim Adem Jasharin e Adem Demaçin

Kryetari i Këshillit Kombëtar të Nismës Socialdemokrate, Jakup Krasniqi ka komentuar veprimin e kryetares së Kuvendit, Vjosa Osmani e cila e zëvendësoi fotografinë e Presidentit aktual Hashim Thaçi me atë të ish presidentit Ibrahim Rugova.

Në një intervistë për gazetën Sinjali, Krasniqi duke komentuar deklaratën e Vjosa Osmanit se ‘te Presidenti Rugova  gjen inspirimin’, tha se inspirimin do të duhej ta gjente tek Adem Jashari e Adem Demaçi,meqë sipas tij ato institucione jane krijuar nga sakrifica e Lëvizjes Kombëtare për Çlirim.

“Largim nga “politika inspiruese” institucionaliste?! Politikë që e proklamojnë në çdo rast. Por, të gjithë ata që ulen në ulësen institucionaliste, duhet ta dinë se në ato institucione i ka dërguar Lëvizja Kombëtare për Çlirim dhe inspirimin do të duhej ta merrnin nga Adem Demaçi e Komandanti Legjendar i Ushtrisë Çlirimtare – Adem Jashari. Pasi këta ishin kryeinspiruesit e Lirisë e të Pavarësisë sonë”, ka deklaruar Krasniqi. /Periskopi/