3 orë më parëIPK jep detaje për operacionin “Ryshfeti”
Periskopi(6 vite më parë)
(6 vite më parë)Inspektorati Policor i Kosovës kishte pranuar informacione përmes rrugëve operative se dy të dyshuar, zyrtarë policor në Drejtorinë për Hetimin e Krimeve Ekonomike dhe Korrupsionit, mund të jenë të përfshirë në aktivitete të kundërligjshme. Bazuar në këto informacione, hetuesit e IPK-së në koordinim me prokurorin kompetent filluan të ndërmarrin veprime hetimore e operative duke përfshirë […]
Inspektorati Policor i Kosovës kishte pranuar informacione përmes rrugëve operative se dy të dyshuar, zyrtarë policor në Drejtorinë për Hetimin e Krimeve Ekonomike dhe Korrupsionit, mund të jenë të përfshirë në aktivitete të kundërligjshme.
Bazuar në këto informacione, hetuesit e IPK-së në koordinim me prokurorin kompetent filluan të ndërmarrin veprime hetimore e operative duke përfshirë edhe masat e fshehta të hetimit ndaj dy zyrtarëve policorë dhe një qytetari.
Bazuar në dëshmitë dhe provat e mbledhura si dhe bazuar në urdhrin e Gjykatës Themelore në Prishtinë, mbrëmë në Prishtinë është realizuar operacioni koduar me emrin “Ryshfeti” i cili rezultoi me arrestimin në flagrancë të një zyrtari policor dhe një qytetari.
Zyrtari policor me inicialet L.O., është arrestuar nga hetuesit e IPK-së me dyshimin se i njëjti ka kryer veprën penale “Marrje e ryshfetit” dhe “Keqpërdorim i pozitës apo autoritetit zyrtar”.
Në vazhdën e veprimeve hetimore, operacioni “Ryshfeti” ka vazhduar me bastisje në dy lokacione të ndryshme, një në Prishtinë dhe tjetri në Vushtrri, ku janë gjetur prova të konsiderueshme dhe është arrestuar edhe i dyshuari tjetër – zyrtari policor me inicialet L.M, rreshter policor në Drejtorinë për Hetimin e Krimeve Ekonomike dhe Korrupsionit.
Rreshteri policor është arrestuar me dyshimin se i njëjti ka kryer veprën penale “Marrje e ryshfetit”, “Keqpërdorim i pozitës apo autoritetit zyrtar” dhe “Mbajtje në pronësi, kontroll ose posedim të armëve”.
Të arrestuarve në këtë rast nga Inspektorati Policor me vendim të prokurorit u është caktuar masa e ndalimit për 48 orë.
Veprimet e mëtutjeshme hetimore lidhur me këtë rast thuhet se do të vazhdojnë nga hetuesit e IPK-së në konsultim të vazhdueshëm me prokurorin përgjegjës.
