5 orë më parëGjendja alarmante nga Koronavirusi në Itali: Ambasada e Kosovës flet për Periskopin
Periskopi(6 vite më parë)
(6 vite më parë)Ambasada e Republikës së Kosovës në Itali në një përgjigje për Periskopin ka thënë se deri më tani nuk është prekur asnjë shtetas kosovar nga koronavirusi, ku dihet se deri më tani nga ky virus kanë vdekur 3 italianë dhe janë infektuar 130 të tjerë. Ambasada e Kosovës në Romë thotë se është në gjendje […]
Ambasada e Kosovës në Romë thotë se është në gjendje gatishmërie në rast të nevojës së shtetaseve kosovarë që janë në Itali.
“ARKS në Romë së bashku me Konsullatën e Përgjithshme në Milano është duke e vëzhguar situatën kritike me shumë vëmendje dhe kujdes. Aktualisht, fatmirësisht duhet të themi nuk rezulton i prekur asnjë shtetas kosovar. Gjithsesi në rast të nevojës së qytetarëve tanë në të gjithë territorin italian, ne mbetemi në gatishmëri të plotë dhe në koordinim me organet dhe institucionet vendore do të veprohet sipas udhëzimeve të autoriteve përkatëse për t’i respekutar dhe zbatuar masat që duhet ndërmarrë, sipas rastit dhe nevojës”, kanë thënë për Periskopin nga Ambasada.
Kujtojmë që deri më tani nga Koronavirusi vetëm në Kinë kanë vdekur mbi 2 mijë persona dhe janë infektuar 76 mijë.
Gjatë ditës së sotme shumë figura publike në Kosovë kanë bërë thirrje që shteti të marrë masa parandaluese për Koronavirusin. /Periskopi/
