7 orë më parëGëzohen punëtorët e sektorit privat: Kurti premtoi para shtesë nga qeveria
Periskopi(6 vite më parë)
(6 vite më parë)Duket se z.Albin Kurti është i përkushtuar që të mbrojë qytetarët e vendit nga varfëria dhe punët e paguara keq. Të paktën, kjo bazohet në premtimet e forta që dha në foltoren e Kuvendit të Kosovës gjatë një fjalimi disa-minutësh në kërkim të votave për t’u bërë kryeministër. Ai shpalosi shumë pika të programit por […]
Ai shpalosi shumë pika të programit por pa i detajuar krejtësisht gjë që ndjell dyshime se ato mund të realizohen ndonjëherë.
Por, pika që mund të gëzojë shumë qytetarë që ende i besojnë Kurtit, është ajo në të cilën deklaroi se “Do të bëjmë subvencionimin e pagave për sektorin privat.”
Nga kjo del se të gjitha bizneset private do të mbështeten me subvencione nga shteti në mënyrë që të paguajnë më shumë punëtorët e tyre.
Ai përmendi edhe rrogën minimale, por pa deklaruar saktësisht nëse do të rritej ajo. Aktualisht, paga minimale për punëtorët poshtë moshës 35 vjeçare është 130 euro, ndërkaq mbi këtë moshë është 170 euro.
“Më shumë garë të drejtë. Do të mbrojmë punëtorin; për punëtorin më shumë të drejta. Do të promovojmë punën 8 orë në ditë e 40 në javë. Do ta shtojmë numrin e inspektorëve në 400. Do ta shtojmë buxhetin në 3 miliardë euro.” – deklaroi z.Kurti.
Por, këto qëndrime u kontestuan nga z.Bedri Hamza nga PDK, një ekonomist që kishte menaxhuar me Ministrinë e Financave.
Ai deklaroi se as me 3 miliardë këto plane ekonomike nuk do të mund të realizoheshin. /Periskopi
