5 orë më parëFrika nga coronavirusi, San Francisko shpall gjendje të jashtëzakonshme
Periskopi(6 vite më parë)
(6 vite më parë)Qyteti i San Franciskos ka shpallur një gjendje të jashtëzakonshme mbi coronavirusin vdekjeprurës. Një veprim i tillë, sipas mediave të huaja, përcjell Telegrafi, vjen pasi që zyrtarët shëndetësorë paralajmëruan se përhapja e tij në të gjithë Shtetet e Bashkuara ishte e pashmangshme. Kryetari i bashkisë së San Franciskos, London Breed, njoftoi gjendjen e jashtëzakonshme në […]
Një veprim i tillë, sipas mediave të huaja, përcjell Telegrafi, vjen pasi që zyrtarët shëndetësorë paralajmëruan se përhapja e tij në të gjithë Shtetet e Bashkuara ishte e pashmangshme.
Kryetari i bashkisë së San Franciskos, London Breed, njoftoi gjendjen e jashtëzakonshme në një deklaratë të martën, duke thënë se “panorama globale” rreth coronavirusit Wuhan po “ndryshon me shpejtësi” dhe zyrtarët e qytetit “duhet të rrisin gatishmërinë”.
“Ne e shohim virusin që përhapet në pjesë të reja të botës çdo ditë,” vazhdoi ai, “dhe ne jemi duke ndërmarrë hapat e nevojshëm për të mbrojtur San Franciscans nga goditja”.
Gjithsesi, ende nuk janë raportuar raste të koronavirusit në San Francisko.
Një veprim i tillë vjen pasi zyrtarët e shëndetësisë në SHBA paralajmëruan amerikanët të përgatiten për një përhapje të mundshme të coronavirusit.
“Çrregullimet në jetën e përditshme mund të jenë të rënda”, në SHBA, paralajmëroi të martën në një konferencë shtypi Nancy Messonnier, drejtore e Qendrës Kombëtare të Imunizimeve.
Ndërkohë të hënën, kabineti i presidentit Donald Trump kërkoi 2.5 miliardë dollarë nga Kongresi amerikan për t’u përballur me situatën e coronavirusit në SHBA.
Sipas mediave të huaja, përcjell Telegrafi, rastet e virusit që shkaktuan pneumoninë u rritën në 79,331 të hënën, ndërsa 53 janë konfirmuar në SHBA, sipas Qendrës për Kontrollin dhe Parandalimin e Sëmundjeve (CDC).
