6 orë më parëEgoizmi i Vjosa Osmanit: Kërkon dy pozita për vete dhe rrezikon koalicionin qeveritar me VV-në
Periskopi(6 vite më parë)
(6 vite më parë)Duket se problemet në LDK nuk kanë të ndalur pas zhvillimeve dramatike sot ku u prezantuan emrat e rinj për ministra dhe u shtua numri i nënkryetarëve të partisë në tetë. Numri i nënkryetarëve të LDK-së gati u trefishua, duke u bërë nga tre në tetë sosh. Nga ky vendim përfituan Anton Quni, Ismet Beqiri, […]
Numri i nënkryetarëve të LDK-së gati u trefishua, duke u bërë nga tre në tetë sosh. Nga ky vendim përfituan Anton Quni, Ismet Beqiri, Haki Rugova, Imri Ahmeti dhe Gazmend Muhaxheri.
Të gjithë këta do të kenë të njëjtin pushtet institucionalisht në LDK aq sa kanë Lutfi Haziri, Agim Veliu, dhe Vjosa Osmani.
Si ministra u propozuan Agim Veliu [min.i Punëve të Brendshme], Vlora Dumoshi [ministre e Kulturës dhe Rinisë], Anton Quni [min.i Mbrojtjes], Lumir Abdixhiku [min i. Infrastrukturës], Hikmete Bajrami [min.Arsimit] dhe Besian Mustafa [min.i Bujqësisë].
Osmanit iu nda pozita e kryetares së Kuvendit ndërsa Avdullah Hotit ajo e zv.kryeministrit të parë.
Por, jo gjithçka duket se ka kaluar pa incidente. Vjosa Osmani, kandidatja për deputete që i fitoi mbi 170 mijë vota është përplasur me kryesinë e partisë duke iu kërkuar përgjegjësi për ndarjen e ministrive.
Në media u raportua se ajo ishte në veçanti e pakënaqur me propozimin e Veliut si ministër i Punëve të Brendshme, ndërsa Periskopi mëson që ajo është ndarë e pakënaqur edhe me propozimin e Avdullah Hotit për zv.kryeministër të parë, e që e bën atë njeriun më të rëndësishëm në qeveri pas z.Kurti.
Për Osmanin raportohet se ka kërkuar të dyja këto pozicione, si ministre e Punëve të Brendshme dhe pozicionin e zv.kryeministres së parë.
Periskopi do t’iu mbajë të informuar për zhvillimet e tjera brenda kësaj partie politike.
