“Don’t Start Now” e Dua Lipës renditet në top-10 në “Billboard Hot 100”

Dua Lipa ka pak ditë që ka publikuar projektin e ri, ndërsa sukseset e këngëve tjera nuk po i ndalen.

Së fundi, përmes një postimi në Instagram, ajo ka njoftuar se hiti “Don’t Start Now” është renditur në top-10 në “Billboard Hot 100”, saktësisht në vendin e nëntë.

Për ndryshe, projekti i ri “Physical” nga Dua ka marrë mbi 10 milionë klikime, ndërsa së fundi kjo këngë u promovua edhe në ekranet gjigante të “Times Square” në Nju Jork.

Albumi “Future Nostalgia” nga Dua Lipa pritet të publikohet më 3 prill.