6 orë më parëDaçiqi falenderon Spanjën që u tregua “parimore” për çështjen e Kosovës
Periskopi(6 vite më parë)
(6 vite më parë)Sekretari spanjoll për Çështje Evropiane në Ministrinë e Jashtme të këtij shteti, Juan Gonzales-Barba Pera ka thënë se qëndrimi i Spanjës kundruall Kosovës është “parimor”, por se beson që shteti i tij duhet të ketë rol proaktiv në drejtim të dialogut dhe marrëveshjes midis Prishtinës dhe Beogradit. Ai, gjatë një konference shtypi me ministrin e […]
Ai, gjatë një konference shtypi me ministrin e Jashtëm të Serbisë, Ivica Daçiqin ka theksuar se “nuk ka mënyrë tjetër”.
Përfaqësuesi spanjoll ka thënë se qëndrim i shtetit të tij është që në radhë të parë të rinisë dialogu dhe komunikimi midis Prishtinës dhe Beogradit.
Edhe kryediplomati i shtetit serb ka theksuar se vazhdimi i dialogut është në interesin e të gjitha palëve, raporton “Fonet”, përcjell Koha.
Daçiqi e ka falenderuar Spanjën për mbështetjen dhënë Serbisë rreth Kosovës, duke theksuar se nëse autoritetet katalonaase e kontaktojnë Serbinë, autoritetet serbe do ta njoftojnë menjëherë ambasadën spanjolle.
Ai ka vlerësuar se raportet midis dy shteteve janë të një karakteri strategjik dhe se është i bindur që mbështetja e Spanjës për Serbinë do të vazhdojë.
I pyetur rreth tubimit në Shqipëri, në të cilin Kosova është paraqitur me fusnotë, Daçiqi ka deklaruar se kjo mënyrë e prezantimit është pjesë e marrëveshjes në kuadër të dialogut midis Prishtinës dhe Beogradit./Periskopi
